El PAS esclaria por qué nun participa n'otros actos del 8-S

|

El Partíu Asturianista vien de facer pública la so postura de non participar na convocatoria de la Plataforma Unitaria 8 de Setiembre. Según el PAS, el planteamientu final nun-yos “paecía afayadizu” y por eso va celebrar el so actu cola URAS.

Pesie a que’l PAS esclaria que, a lo llargu d’una serie de selmanes, caltuvo negociaciones “cola voluntá de facer un Día d’Asturies o Día de la Nación unitariu”, al final nun van participar en nenguna iniciativa.

Discrepen del planteamientu por ser una concentración “qu’imposibilita la xerarquización d’organizaciones y persones y la so visualización”, y porque la composición de los convocantes “escapa” a la so idea “d’un actu organizáu y xestionáu polos partíos políticos”. Asina-y lo comunicaron al Bloque por Asturies y a la UNA.

Cola URAS en Candás
D’otra miente, el PAS reafírmase en que va celebrar esti 8 de setiembre cola URAS, formación cola que formen la coalición Unión Asturianista. La so convocatoria va consistir nun actu conmemorativu en Candás, a les 13.30, nel Monumentu a la mina y a la mar, asitiáu na Escalera de La Gabiana.Tamién van facer una xinta de xermandía nel Restaurante La Fonte.

Comentarios

Como siempre, la falta de unidá, el ogoismu, la falta de sentíu común pa xuntar esfuerzos, y el enfotu en querer na más que pa un mismu el poder ye lo que tien a la rexón tirá. Buena decisión chavales, así nos va. A ver cuando miramos un poco pa la xente, y no pal bolsu...

Contador Estadistiques