El diputáu del BA y portavoz del Grupu Parllamentariu Mestu, Roberto Colunga, criticó nel Plenu de la Xunta Xeneral del Día d’Asturies la situación del país, les polítiques del Gobiernu y llamó a la “suma de voluntaes pa construyir otra Asturies”.

“Esti plenu ye una oportunidá pa facer una reflexón de la situación política y social del nuestru país”, entamó la intervención de Colunga, que criticó que pa les demás fuerces namás que significa “un actu protocolariu que, cola disculpa de la fiesta que llamen Día de Asturias, abre’l nuevu cursu políticu”.

Nun se sabe con precisión l'aniciu de la fiesta relixosa del 8 de setiembre, anque bien ye verdá qu'esta fiesta que se convertió nel Día oficial d'Asturies garró bien de puxu tanto dende dientro como fuera, gracies a la emigración, que dende'l sieglu XIX celebra el Día de la Santina como fiesta d'afirmación astur. Nesti artículu facemos un pequeñu repasu d'esti Día.

La Plataforma Unitaria 8 de Setiembre vien de facer públicu cómo va desendolcase l’actu "Pol futuru d'Asturies" convocáu en Xixón. Intervenciones de colectivos asturianos, música asturiana y teatru van garrar el protagonismu.

El sindicatu SUATEA manifiesta al traviés d’un comunicáu la so postura pa col Día d’Asturies. Califiquen a los actos programaos pol Principáu de “charanga y pandereta” y reclamen meyores pa la llingua asturiana na enseñanza.

A lo llargo d’esta selmana va haber dellos actos musicales alternativos a los programaos pol Gobiernu del Principáu en Ribeseya. N’Avilés, Uviéu, Villaviciosa y Ribeseya van celebrase estos conciertos cola presencia de la música d’Asturies.

El programa de la RPA "Rockmería", dirixíu por Xune Elipe, va dedicase esta selmana a la I Nueche Celta de Corao que, celebrada nel añu 1983, foi la primera del país. Esti programa especial va emitise a la medianueche del xueves.

La Nueche Celta de Corao, de la que se celebraron dos ediciones nos años 1983 y 1984, foi’l primer festival con esa denominación que s’entamó n’Asturies, y qu’axuntó a un bon númberu de públicu interesáu pol folk y la música tradicional de lo que daquella escomenzaba a conocese como Mundu Celta.

El Plenu Institucional del Dia d’Asturies va celebrase esti martes a les 17.30. Nél, van intervenir los portavoces de los cuatro grupos parlamentarios: Mestu, Izquierda Xunida/Los Verdes, Popular y Socialista.

L’asturlleonés Roberto González-Quevedo foi premiáu por L’Arribada 2010 col “IV Premiu Timón” que se-y concede a autores en llingua asturiana y gallego-asturianu. El premiu va entregase’l prósimu 23 de setiembre en Xixón

Un xuráu integráu por Alberto Álvarez Peña, Vicente García Oliva, Aurora García Rivas, Humberto Gonzali, Jorge Espina, Inaciu Iglesias y Xuan Xosé Sánchez Vicente, alcordó otorgar el IV Premiu Timón, p’autores en llingua asturiana y gallego asturianu, al autor lleonés Roberto González-Quevedo.

La Tertulia Cultural El Garrapiellu y la Fundación Juan Muñiz Zapico tán acabantes de convocar concursos lliterarios respectivamente. Mentantu los primeros lo faen de rellatos curtios n’asturianu, el segundu ye de microrellatos mineros. 

La Tertulia Cultural El Garrapiellu vien de convocar la XIX edición de los Premios de Cuentos Curtios el Garrapiellu. Con plazu d’entrega hasta’l 12 d’ochobre, nesti concursu pue participar toa persona mayor de 16 años. El cuentu tien que tar escritu en llingua asturiana, acordies cola normativa de l’ALLA, y con temática llibre.

Ábrese una puerta a la esperanza. Asina lo plantearon nuna rueda de prensa conxunta Rafa Palacios y Faustino Zapico, portavoces del BA y UNA. Nella reflexaron el so apoyu a la concentración del 8-S y la necesidá d’abrir otru ciclu políticu.

La primer rueda de prensa conxunta ente’l Bloque por Asturies y Unidá Nacionalista Asturiana manifestó la voluntá d’estes organizaciones d’abrir un “procesu de rexeneración democrática” que “airee la política d’Asturies” y que de rempuesta a la “situación llamentable del país”, como señaló Rafa Palacios.