La crisis capitalista y les alternatives a esti modelu económicu van ponese a debate coles Primeres Xornaes VientoSur. Sindicalistes, abogaos, trabayadores y activistes van falar d’esto ente’l 15 y 17 de setiembre nel Ateneu Obreru de Xixón.

Baxo’l títulu “Crisis: resistencies y alternatives” van celebrase estes xornaes que van llevar los díes 15, 16 y 17 d’esti mes, a les 19.30 y nel Atenéu Obreru de Xixón, l’alderique sobre les consecuencies de la crisis nel Estáu Español.

L'ex diputáu d’IX, Francisco Javier García Valledor, mostró'l so apoyu a la posible creación d'una fuerza política unitaria del asturianismu d'izquierda y considera que dientro d'IX hai "otra xente que ta a la espectativa" de qu'esta alternativa naza.

El Bloque por Asturies vien d’apoyar la propuesta de FAMYR, colectivu asturianu de memoria histórica, de conceder a los antifranquistes Cristino García Granda y José Antonio Alonso, el títulu de Fíu Predilectu y la Medalla d’Oro d’Asturies

El presidente del EBB del PNV, Iñigo Urkullu, consideró que ye necesario "trabayar intelixentemente" temes como derechu a decidir de los pueblos pa que puean llevase alantre.

 
Iñigo Urkullu realizó estes declaraciones a Onda Vasca, antes que'l líder jeltzale se reuniere col ministru Principal escocés, Alex Salmond y máximu representante del Partíu Nacional d'Escocia (SNP).

Ecoloxistes n'Acción esixó al Gobiernu que " tome les midíes necesaries nel conflictu de la minería del carbón, provocáu pol impagu de los xornales pela patronal, y qu'elimine esti mineral na xeneración eléctrica nel Estáu español.

Asina, encamienta al Executivu a "nun dexase influyir" por una patronal de la que diz que "vive dende hai tiempu" de les sovenciones y que "nun dude en dexar de pagar los xornales" a los mineros pa presionar al Gobiernu, "algo que califica de chantaxe inalmitible".

El mirandés va celebrar el so día’l prósimu 17 de setiembre. Nesa fecha, cúmplese l’aniversariu de la presentación del proyectu de llei qu’algamó’l reconocimientu llegal d’esta variedá llingüística del asturlleonés falada en Portugal.

El 19 de payares de 1998 el Parlamentu de la República de Portugal declaró la oficialidá del mirandés, pero enantes, el diputáu Júlio Meirinhos presentó en 17 de setiembre’l proyectu de llei que fixera posible da-y un marcu llegal dignu a esta variedá llingüística.

Roberto Colunga, diputáu del Bloque por Asturies na Xunta Xeneral, pidió al Director de la Vuelta Ciclista a España que se respetara la toponimia oficial asturiana, como manda la llei, al pasu de la competición per Asturies.

Na carta unviada pel Bloque por Asturies recordóse a los organizadores de la preba, que va pasar los díes 12 y 13 de setiembre per Asturies, que se debe usar la toponimia oficial nes etapes asturianes, como diz la llei.

La organización xuvenil Darréu vien d’abrir la inscripción pa participar nel primer concursu “Sones de Revolución”. Los ganadores d’esti eventu van ser teloneros na IX edición del conciertu “Asturies nun escaez”.

Col concursu “Sones de Revolución”, Darréu da empiezu, el prósimu 2 d’ochobre, al Día de la Mocedá Revolucionario 2010. Nel llocal uvieín I-POP va celebrase un conciertu nel que pueden concursar hasta un total de diez grupos. L’únicu requisitu ye que los cantares interpretaos en directo tean en llingua asturiana.

Decenes de trabayadores de la minería cortaron esti llunes la carretera AS-216 na población de Tinéu, en señal de protesta pol impagu de les nómines de trabayadores y pola rocea del sector.

En concreto, les manifestaciones concéntrense nel puntu kilómetru 6.8 de la citada vía, enzancando la circulación n'ambos sentíos, al altor del Polígonu de la Curiscada y de la central térmica de la Florida, en Soto la Barca.