Chupa Chups propón a los trabayadores retrasar el pieslle

Chupa Chups y el comité d'empresa retomaron la negociación sobre'l futuru de la factoría de Villamayor (Piloña). Nel alcuentru, la compañía plantegó a los representantes de los trabayadores retardar el zarru de la fábrica hasta’l 31 d’avientu.

"Zarrar agora l'espediente" de regulación y retardar el zarru de la fábrica, previstu pal 1 de setiembre, "hasta'l 31 d'avientu d'esti añu o hasta dempués" pa dedicar esi tiempu "a la busca d'alternatives d'actividá y empléu", fue la propuesta de Chupa Chups a los trabayadores, según indiquen dende los sindicatos.

En declaraciones a Europa Press, los representantes de la plantiya de Chupa Chups na factoría de Villamayor indicaron que la propuesta va estudiase y debatise esti martes a primer hora colos trabayadores pa dempués retomar la xunta cola empresa a les 10.30 hores.

Movilizaciones y apoyu
Dende que Chupa Chups anunciare la so intención de zarrar la fábrica asturiana de carambelos y treslladar tola so actividá a Barcelona, los emplegaos realizaron dellos actos reivindicativos y lleven recoyíes más de 40.000 firmes d'apoyu. La so próxima actuación va ser esti miércoles en Ribeseya coincidiendo cola celebración del Día d'Asturies.