La primer edición de la UABRA dio fin ayeri cola entrega de diplomes a los sos asistentes. Nun actu nel qu’intervinieron representantes d’instituciones públiques, el rector Vicente Gotor amosó’l so apoyu a la llingua na Universidá.

El colectivu Softastur vien d’anunciar la so última aportación a la llingua asturiana y les nueves tecnoloxíes: la versión n’asturianu de Mozilla Firefox 3.6.9. Esti navegador yá se pue descargar de baldre al traviés de http://mozilla.com/ast.

Demientres más d’un añu, el colectivu Softastur tuvo trabayando pa la compañía Mozilla, fundación ensin ánimu de lucru dedicada al software llibre, na versión en llingua asturiana del famosu navegador Firefox 3.6.9.

La industria discográfica en llingua asturiana ve peligrar la so sobrevivencia, dau'l descensu de ventes padecíu por esti mercáu nos últimos años. Les cases debaten la so visión de futuru ente'l replantegamientu total o la simple desapaición.

Baxo’l llema “Democracia p’Asturies”, Uviéu vivió una manifestación de calter soberanista. Andecha Astur, Darréu y la CSI fueron les organizaciones que se sumaron a esta convocatoria pa denunciar “la situación predemocrática que carez Asturies”

Unión Asturianista, coalición formada pol PAS y la URAS, festexó’l 8 Setiembre en Candás. L’aniciu de la campaña “Y tu, ¿Qué opines?”, intervenciones polítiques y un homenaxe a los trabayadores asturianos, fueron los actos principales.

L’actu del Día de la Nación Asturiana d’Unión Asturianista entamó a primer hora de la mañana nuna carpa instalada nel centru de Candás. Col oxetivu de “dar a conocer el mensaxe y les propuestes de la coalición” y recoyer la opinión de ciudadanos d’a pie, empecipiaron cola campaña “Y tu, ¿Qué opines?”.

Pluralidá, ilusión, denuncia y llamada a l’acción. Eses fueron les protagonistes de la concentración convocada en Xixón nel 8-S. Los Xardinos del Náutico vivieron una xornada marcada pol deséu de “sumar voluntaes pa construir una alternativa”.

El Plenu del Congresu de los Diputaos aprobó de forma definitiva la reforma llaboral n'aceptando 24 de les enmiendes incorporaes a la norma pol Senáu, una d'elles del BNG y el restu, toes del PSOE.

El PSOE se vio obligáu a xugar en cada votación colos apoyos de distintos grupos de la oposición pa sacar alantre les sos propuestes y eliminar aquélles que la Cámara Alta incorporó col so votu en contra, nun debate marcáu pola solombra de la güelga xeneral del próximu 29 de setiembre.

Normalización llingüística de la Mancomunidá d’El Cabu Peñes, en collaboración cola Academia de la Llingua Asturiana, organiza unos cursos d’alfabetización n’asturianu p’adultos. El 15 setiembre entamen les clases, con matrícula tovía abierta.

Llingua I y Llingua II son los dos niveles qu’ufierten estos cursos empobinaos p’adultos que quieran deprender llingua asturiana. Un llargor de 36 hores cadún, coste de matrícula de 30 € y “Xeitu” como’l manual a usar, son les característiques cimeres.

El xuez de l'Audiencia Nacional Ismael Moreno prohibió la marcha convocada esti sábadu en Bilbao por parte del nacionalismu vascu, al considerar que la so celebración podría constituyir “apoyar la estratexa d’ETA”.