Urkullu defiende trabayar de mou "intelixente" el derechu a decidir

|

El presidente del EBB del PNV, Iñigo Urkullu, consideró que ye necesario "trabayar intelixentemente" temes como derechu a decidir de los pueblos pa que puean llevase alantre.

 
Iñigo Urkullu realizó estes declaraciones a Onda Vasca, antes que'l líder jeltzale se reuniere col ministru Principal escocés, Alex Salmond y máximu representante del Partíu Nacional d'Escocia (SNP).

Salmond renunció a que'l Gobiernu entamare'l referendu que prometiere cuando ganó les elecciones nel 2007 pa decidir si entamaben les negociaciones con Londres col fin d'algamar la so independencia. L'Executivu del SNP, que nun tien mayoría na Cámara d'Edimburgo, precisaba l'apoyu d'algún otru partíu pa que'l proyectu de Llei del referendu s'aprobare.

El presidente del EBB manifestó que'l primer ministru escocés tomó decisiones nos últimos díes como la de nun llevar alantre un referendu sobre la independencia d'Escocia, a la vista de "los consensos o disensos que pudiere concitar". "Hai que trabayar intelixentemente esi tipu de cuestiones que tamién reivindicamos al PNV", añadió.

 

Contador Estadistiques