En 1988 veía la lluz ún de los discos pioneros del rock n’asturianu: “Inaux” de Güextia. 22 años dempués, esti trabayu reéditase en formatu cedé p’averar a un mayor públicu una ayalga dientro del rock y la música n’asturianu.

Güextia formóse n’Avilés en 1983 baxo llideralgu d’Adolfo Camilo Díaz, destacada y polifacética figura venceyada a la cultura asturiana. Cola compañía d’otros músicos como’l renomáu guitarrista Rafa Kas o’l batería Fredi Sánchez –dempués militante en Dixebra-, Güextia foi una de les primeres bandes en facer rock n’asturianu.

Yá queda menos pa la Fuelga Xeneral del 29 setiembre y el sindicalismu de clase asturianu calienta motores. Uviéu, Avilés, Mieres y Xixón van vivir los prósimos díes diferentes movilizaciones convocaes pola Corriente Sindical d’Izquierda.

La Tertulia Pachín de Melás vuelve a l’actividá. “Hai una llínia trazada: la rede ferroviaria asturiana” ye’l títulu de la prósima tertulia que va tener llugar el xueves 23 en Xixón y na que va participar xente venceyao a la materia.

Yá hai tiempu que l’agrupación de Xixón d’Unidá Nacionalista Asturiana punxera en marcha la Tertulia Pachín de Melás, un espaciu d’alderique sobre estremaos temes qu’afecten a l’actualidá asturiana. Tres de les vacaciones, la Tertulia torna col oxetivu d’aldericar sobre problemes y soluciones pa cola actual rede ferroviaria del país.

L’Asociación Asturies Llaica convoca una concentración llaica n’Uviéu. L’actu quier dar respuesta al posicionamientu católicu de l’Alcaldía, que mandó una nota a conceyales pa que confirmaren presencia na misa de San Mateo.

Cerca de 2.500 asturianos yá participaron na campaña de sensibilización contra la violencia de xéneru 'Saca tarxeta colorada al maltratador'. La iniciativa ta esti martes presente n'Uviéu, nun stand nel Paseu Los Álamos.

El Bloque por Asturies propunxo la supresión d’asignaciones económiques a los grupos parllamentarios de la Xunta Xeneral, una midía qu’aforraría 2’5 millones d’euros. Los nacionalistes tamién criticaron los embolsos de PSOE, PP y IU.

En rueda de prensa na Xunta Xeneral, el Diputáu del Bloque por Asturies, Roberto Colunga, y el Portavoz Nacional, Rafael Palacios, esixeron la supresión d’asignaciones económiques a los Grupos Parllamentarios y la garantía de que toos estos grupos tengan los espacios físicos y los materiales y personal necesariu pa desendolcar el so llabor.

Los retayos n’Educación nun aparen. Les Escueles Oficiales d’Idiomes tamién tán afectaes, como denuncia’l sindicatu asturianu SUATEA. Restricciones d’ufierta educativa en grupos y tiempu de docencia son el nuevu capítulu.

SUATEA denuncia que la enseñanza d’idiomes “s’alcuentra agora nel puntu de mira de la hipócrita política de recortes y deterioru de la enseñanza pública”. El sindicatu denuncia la “ablucante baxada de grupos”, con 30 alumnos por clase, “la reducción de la ufierta d’horarios” sobre too nos de tarde, y la “reducción de la carga horaria”.

El sector allegáu a Cascos consideró “graves” les manifestaciones feches esti llunes por fontes del PP d'Asturies contra l'ex ministru de Fomentu, Francisco Álvarez-Cascos, y dixeron qu'esperen que la dirección estatal del PP responda.

Partidarios de Cascos nel PP consultaos per Europa Press reaccionaron asina a les citaes manifestaciones de fontes del PP asturianu, que cargaron contra Cascos, refugaron cualquier pactu col ex ministru, calificáronlu de sesaxenariu y acusáronlu d'intentar frañir el PP.

La muerte de José Antonio Labordeta el domingu llevantó la emoción y l’homenaxe popular n’Aragón. La polifacética figura política y cultural recordóse peles cais de Zaragoza, como nuna Plaza San Felipe qu’axuntó a más de 2000 persones.

Político, músico, escritor, actor… José Antonio Labordeta foi una polifacética figura que cultivó política y cultura demientres la so vida. Na madrugada del domingu 19, Labordeta finó a los 75 años d’edá tres d’una llarga enfermedá.

“Braciada”, “Chiscazu” o “Esprín” son dalgunos de los términos n’asturianu rellacionaos cola natación y que la Oficina Municipal de la Llingua de Xixón compila en “El pallabreru de la natación”, última publicación d’esti SNL.

“El pallabreru de la natación” ye’l segundu de los cartafueyos veceyaos al ámbitu de lo deportivo qu’asoleya la Oficina Municipal de la Llingua de Xixón. L’oxetivu cimeru d’estos pallabreros ye facer un llabor de sensibilización y normalización del asturianu dende clubes, entidaes deportives o departamentos y conceyalíes de Xixón.