Taramundi, Santalla d’Ozcos, Vilanova d’Ozcos y Samartín d’Ozcos, nel occidente; y Quirós, nel sur de la fastera central; son los cinco nuevos conceyos qu’afiten la toponimía tradicional, aprobada’l día 15 pol Conseyu de Gobiernu.

Suburbia Ediciones presenta esti xueves el númberu 3 de la revista Erada, publicación añal sobre la historia contemporánea d'Asturies. Nesta ocasión, dedica los sos estudios a los movimientos nacionalistes, asturianistes y rexonalistes.

Un total de 49 muyeres morrieron nel Estáu español asesinaes a manes de les sos pareyes o ex pareyes no que va d'añu, seis casos más que los rexistraos na mesma fecha del 2009, según los últimos datos tresmitíos pol Ministeriu d'Igualdá.

La Coordinadora Ecoloxista d'Asturies presentó alegaciones al "precariu" estudiu d'impactu ambiental presentáu "pa xustificar el  hormigonáu y abarandilláu" de la ruta del Alba publicáu nel BOPA el pasáu 13 de xunetu.

El 61% de los llectores d’Asturies.com que participaron na encuesta camienta, que’l 8-S tenía que celebrase un actu asturianista unitariu dafechu. Les otres opciones siguen con un 18%, 13% y 8 %.

“Tuvo bien qu’hubiere delles propuestes, tolos actos son complementarios” foi la segunda respuesta más votada, con un 18 %. Al 13% de los llectores nun-yos prestó nengún de los actos y namás qu’un 8 % opinaron que los actos d’esti 8 de setiembre “aportaron daqué novedoso pa sumar participación”.

La Federación d'Industria de CC.OO y UXT convocó cuatro xornaes de fuelga xeneral nel sector del carbón pa los díes 22, 23, 28 y 29 d'esti mes tres nun algamar dellos alcuerdos col Ministeriu d'Industria.

El Bloque por Asturies criticó esti miércoles l'alianza del Bloque Nacionalista Galego y del Partíu Popular "en contra de los intereses del sector del carbón asturiano", por mor d’una proposición nel parlamentu de los nacionalistes gallegos.

El traductor al asturianu de 'Harry Potter y la piedra filosofal', Xesús González Rato, piensa que la lliteratura nesti idioma tien falta de tornes de les obres más comerciales y vendíes, y nesti sen propón les de les aventures del ratón Geronimo Silton.

El Conceyu Universitariu pol Asturianu manifiesta otra vuelta’l so descontentu cola dirección de la Casa de les Llingües de la Universidá d’Uviéu. Critiquen l’ausencia de cursos n’asturianu pesie a les promeses del Rector, Vicente Gotor.

Yá ye la segunda vegada que’l CUPA protesta pola situación del asturianu en rellación a la Casa de les Llingües. Esti ente creóse va yá cuasi un añu y mediu y entá nun s’ufierten cursos d’asturianu, un serviciu que, como afirmen dende’l CUPA, “ufriéndose embaxo demanda nun tendría nengún gastu estraordinadiu pa la Universidá d’Uviéu”.