El colectivu de trabayadores d’El Comercio denunció que, tres de la resolución del Plenu de Xixón de regufar los despidos y el treslláu, el diariu xixonés ta vetando a tola Corporación Municipal xixonesa.

“Los xerifaltes del decanu de la prensa asturiana decidieron vetar a tola Corporación Municipal xixonesa por tener l’atrevimientu d’aprobar por unanimidá una resolución contra’l despidu de 29 trabayadores y contra’l surrealista treslláu de la rotativa a Benavente (Zamora)”, denuncien los trabayadores.

El Conseyu del Gobiernu aprobó esti miércoles la toponimia oficial d’Avilés. Hasta agora, 48 conceyos completaron un procesu de normalización toponímica. Per otru llau, la XPDLLA argumentó contra les postures contraries.

Unidá Nacionalista Asturiana (UNA), coincidiendo col Día contra la Violencia de Xéneru que se celebra esti día 25 de payares, reclamó a instituciones y partíos políticos una mayor contundencia contra'l machismu existente na sociedá.

L’escritor ayerán Adolfo Camilo Díaz ganó’l Premiu Montesín de Lliteratura Xuvenil 2010, convocáu por Ediciones Trabe en collaboración cola Conseyería de Cultura, pola obra “Memorial de mostru”.

El ministru de Comunicación y vocera del Gobiernu de Marruecos, Jalid Naciri, alvirtió a los "vecinos españoles" que la independencia del Sáh,ara Occidental diba suponer la creación d'una zona de tensión y un feudu pa "los terroristes" nel Magreb.

Re-Percusión Feminista Tam Tam Bruxes vien de convocar una manifestación contra la violencia sexista en Xixón. L’actu ye otra de les actividaes qu’esta selmana celebren distintes entidaes por mor del Día contra la Violencia de Xéneru.

“L’asesinatu de muyeres ye pa nosotres una amuesa evidente de que la igualdá ente homes y muyeres ye un finxu que la sociedá tovía tien qu’algamar”, señala’l comunicáu de les feministes. Amás, añaden que “ta claro” que les medides xudiciales, penales, lleis penales d’anguaño son “necesaries pero non suficientes”.

La fiscal delegada de Tráficu del Principáu, Adoración Peñín, solicita pal ex alcalde del PSOE de Siero, Juan José Corrales, una multa de 3.240 euros, trabayos en benificiu de la comunidá y privación del carné por conducir borrachu.

La fiscal delegada de Tráficu del Principáu, Adoración Peñín, solicita pal ex alcalde del PSOE de Siero, Juan José Corrales, una multa de 3.240 euros, trabayos en benificiu de la comunidá y privación del carné por conducir borrachu.

La diputada d'IX-Verdes na Xunta Xeneral del Principáu, Emilia Vázquez, acusó esti martes al consorciu Coxersa d'apostar de manera irresponsable por "utilizar tola basura como combustible p'amortizar la planta".

El Fondu Monetariu Internacional (FMI) considera la reforma del mercáu llaboral y del sector servicios como les árees prioritaries d'actuación n'España. Pa ello plantea reducir la indemnización por despidu nos contratos indefiníos.

El conseyeru de Mediu Rural y Pesca del Gobiernu Asturianu, Aurelio Martín, ufiertó datos, según los que, nos dos últimos años y mediu, la sidra asturiana esportóse por valor de 3.800.000 euros a 32 países.

El conseyeru de Mediu Rural y Pesca del Gobiernu Asturianu, Aurelio Martín, ufiertó datos, según los que, nos dos últimos años y mediu, la sidra asturiana esportóse por valor de 3.800.000 euros a 32 países.