El presidente español, José Luis Rodríguez Zapatero, anunció que'l próximu vienres el Conseyu de Ministros va aprobar la eliminación de l'ayuda de 426 euros a los paraos y nueves rebaxes fiscales pa les pequeñes y medianes empreses.

El proyectu de Presupuestos pa 2011recueye per primer vegada un artículu nel que s'autoriza al Gobiernu, "al actual o al que vengan", a tomar les decisiones oportunes tocantes a la reorganización de les empreses y entidaes públiques.

La Coordinadora Ecoloxista d’Asturies, denunció ante la Viceconseyería de Mediu Ambiente y ante la Confederación una serie de "graves afecciones ambientales" que vienen produciéndose na Y de Bimenes al so pasu per Lieres.

El Conceyu de Xixón adelantó los títulos de fíu predilectu, adoctivu y les medalles d’Oru y de Plata que concede la ciudá. La Tertulia Cultural El Garrapiellu va llevase esti últimu títulu, mientres que Rato y Carrillo van ser nomaos fíos del conceyu.

El conceyal de Promoción Económica y Innovación, José María Pérez, adelantó esti martes que los trés Grupos Municipales -PSOE, PP y IU- acordaron nomar Fíu Predilectu de Xixón a Santiago Carrillo, pola so trayectoria política "más que dilatada".

Bloque por Asturies tamién va tar presente na manifestación convocada por CSI, SUATEA, SF y CGT contra los recortes y la reforma llaboral. Pa los nacionalistes hai que movilizase pa “recuperar les llaves del futuru d’Asturies”.

“¿Vas aguantar otra vuelta de tuerca?” ye’l lema col que los sindicatos CSI, SF, SUATEA y CGT van percorrer les cais de Xixón, el próximu 1 d’avientu a les 19.30, nuna manifestación contra los recortes, la privatización de la sanidá, la reforma llaboral y la llei d’estranxería.

La conseyera d'Alministraciones Públiques y vocera del Executivu asturianu, Ana Rosa Migoya, destacó esti martes el compromisu que'l Gobiernu caltién colos conceyos asturianos.

La familia del cámara de Telecinco José Couso, muertu en Bagdad el 8 d'abril del 2003 polos disparos d'un tanque estaounidense mientres la Guerra d'Iraq, espresó la so "indignación" antes los informes daos a conocer por Wikileaks.

El dibuxante asturianu Ruma Barbero va facer unes firmes personalizaes pa los llectores de Manzajú, el so últimu cómic. La firma d’exemplares va ser na Vaina (cai Cervantes, 20) de Xixón, el próximu 3 d’avientu a les 19.30 hores.

“Hebo un tiempu nel que n'Asturies nun había más autopista que la "Y", l'Sporting de Xixón quedaba segundu na lliga, los güelos entamaben a falar del so pasáu y los neños bebíen resfrescos asturianos”, estes palabres resumen “Manzajú”, l’últimu cómic del músicu y dibuxante Ruma Barbero.

El presidente d'ERC, Joan Puigcercós, anunció que pon el so cargu a disposición del Consell Nacional del partíu que se va celebrar el próximu 18 d'avientu tres el retrocesu qu'esperimentó la formación republicana nes autonómiques.

L'equipu xixonés amosó’l pasáu domingu’l so rechazu a la violencia de xéneru vistiendo una camiseta cola imaxe de la campaña antes del entamu del alcuentru cola Real Sociedá.

La Directora del Institutu Asturianu de la Muyer, María Fernández Campomanes, estimó la collaboración del equipu xixonés nesta campaña “porque la so capacidá de llegar a la xente ye enforma mayor que la que tenemos les alministraciones públiques”.