N’ochobre entamó nel asturianismu un procesu con vistes a presentar una candidatura plural nes próximes elecciones. ASTURIES.COM quiso conocer los pasos que se tán dando y faló col portavoz del BA, Rafa Palacios, representante d’una de les organizaciones que formen parte d’esti procesu.

CiU llogró una amplia victoria nes elecciones catalanes con 62 diputaos, a seis de la mayoría absoluta, y dobló llargamente los escaños del PSC, que sufrió'l peor resultáu de la so historia, con 28 escaños.

La música asturiana amosó otru añu más la so calidá. Xera quedaron nel segundu puestu nel Liet International 2010, festival de la canción en llingües minoritaries. La victoria foi pal grupu de les Isles Feroe Orka.

Gallegu, corsu, gaélicu, frisón, bretón… son dalgunes de les llingües que, cantaes so la música, axuntó esti añu en Bretaña el Liet International 2010, festival etiquetáu como l’Eurovisión de les llingües minoritaries.

El Conseyu de Gobiernu del Principáu aprobó’l xueves un proyectu pa la reforma de la llei de Función Pública. Nél, afítase la llibre designación d’altos funcionarios, daqué qu’UNA calificó d’ataque al Estáu de Derechu.

Pesie a les crítiques del Conceyu por Otra Función Pública n’Asturies (COFPA), que denunciaba qu’esti proyectu de llei afitaría la ‘deucracia’ n’Asturies, o les sentencies contraries dictaes pol TSXA; el Conseyu de Gobiernu aprobó’l proyectu pa la reforma de la llei de Función Pública.

Xuventú Asturianista esixó a la Corporación Radio Televisión Española’l cambiu de nome de “Panorama Regional”, el so informativu territorial n’Asturies. Amás reclamaron un informativu n’asturianu p’acabar col monollingüísmu informativu.

Según les mocedaes del PAS, nes distintes comunidaes autónomes los informativos territoriales de TVE reciben nomes como Informativo de Madrid, Noticias de Castilla y León, Telexornal-Galicia… que dan mayor entidá a la comunidá que’l términu “rexonal”.

L’Arribada aporta esti vienres 26 a Villaviciosa. La proyección de “L’especial de Navidá paramilitar de Lobo”, curtiumetraxe dobláu al asturianu, axúntase a la de “La nueche de los muertos vivientes” y a una mesa redonda.

El Teatru Riera de Villaviciosa acueye la segunda edición de L’Arribada nesti conceyu. L’actu ta entamáu en collaboración cola asociación maliaya La Campaña de Rochel y va arrancar dende les 19 hores del vienres 26 de payares.

La TPA va retresmitir el conciertu “Conceyu de cantares”. Celebráu el pasáu 30 d’ochobre nel auditoriu municipal As Quintas d’A Caridá, esti eventu cuntó cola puesta n’escena de tolos grupos que participaron nel cedé homónimu.

El próximu domingu 28 de payares, a les 22.30, el programa Sones de la TPA va retresmitir esti conciertu. Nél, intervienten los grupos Mestura de Grandas de Salime, Cádaba d’A Caridá, Bacotexo de Tapia, Mezá de Bual y Tuenda d’Uviéu.

El 25 de payares ye’l Día Internacional contra la Violencia de Xéneru. Una fecha del calendariu nel qu’instituciones y entidaes sociales amuesen la so refuga a esta llacra social. L’asturianismu tamién tien daqué que dicir nesti sen.

Son 108 les muyeres asesinaes nel Estáu español a lo llargo d’esti 2010 por mor de la violencia de xéneru. Esta cifra, lloñe d’anunciar progresos, fai remontase a la esperiencia de 2008; dómina na que la violencia sexista acabó cola vida de 113 muyeres en too l’Estáu.

El diputáu Bloque por Asturies, Roberto Colunga, y el voceru, Rafael Palacios, anunciaron que van recurrir a la Procuradora Xeneral pa qu'investigue "el bloquéu" qu'exercen el restu de grupos parlamentarios a la so acción política.

El Gobiernu asturianu quier afitar el “sistema deucráticu” en puestos del funcionariáu. Asina lo denunció’l Conceyu por Otra Función Pública acordies a lo recoyíu pol borrador que PSOE-IX quieren aprobar cola próxima llei de presupuestos.