L’ex alcalde de Siero enfréntase a varies penes por conducir ebriu

La fiscal delegada de Tráficu del Principáu, Adoración Peñín, solicita pal ex alcalde del PSOE de Siero, Juan José Corrales, una multa de 3.240 euros, trabayos en benificiu de la comunidá y privación del carné por conducir borrachu.

La fiscal delegada de Tráficu del Principáu, Adoración Peñín, solicita pal ex alcalde del PSOE de Siero, Juan José Corrales, una multa de 3.240 euros, trabayos en benificiu de la comunidá y privación del carné por conducir borrachu.

Alternativamente, pal casu de que l'acusáu nun aceptara voluntariamente'l cumplimientu de la pena de trabayos en beneficiu de la comunidá, la pena a imponer va ser de cuatro meses y quince díes de prisión y accesories d'inhabilitación especial pal derechu de sufraxu pasivu mientres esi mesmu periodu, y privación del derechu a conducir vehículos a motor y ciclomotores mientres dos años.
  
Según la fiscalía, el 12 de febreru del 2010, sobre les 6.05 hores, l'imputáu, l'ex alcalde de Siero, Juan José Corroles, coles sos facultaes físiques y psíquiques amenorgaes pol consumu de bebíes alcohóliques nun realizó un xiru col so vehículu y invadió una isleta na qu'arrastró una baliza de señalización, subió'l bordiellu que dixebra la rotonda de la vía, travesó la mesma y una vez nel otru estremu salió otra vuelta a la calzada, onde quedó deteníu nel carril derechu.
  
El coche permaneció aparcáu nesi carril "sin lluces, sin nengún tipu de señalización qu'alvirtiera del peligru que suponía pa los demás usuarios de la vía y l'acusáu permaneció nel interior del coche onde lu sorprendió una patrulla de la Guardia Civil", según la fiscalía.
  
L'ex alcalde socialista, que según los informes de la Guardia Civil, presentaba "fala pastosa, dificultaes d'espresión, movimientu cimblante y aliendu a alcohol nel aliendu" negóse a realizar les pruebes de Romberg (poner el deu índiz sobre la ñariz colos güeyos zarraos) y a caminar en llinia recta mientres tres metros.
  
Nes pruebes del alcoholímetru, l'imputáu presentó a les 07.04 hores una proporción de 0,69 miligramos d'alcohol por llitru d'aire espiráu, y a les  07.24 hores, una proporción de 0,76 miligramos d'alcohol por llitru d'aire espiráu.
  
El Conceyu de Siero personáu nes actuaciones como perxudicáu informó, según la fiscalía, que l'imputáu conducía de forma habitual el vehículu tanto n'asuntos públicos como pa usu priváu pola so condición d'alcalde del mesmu. La vista oral va celebrase nun Xulgáu de lo Penal d'Uviéu nuna fecha tovía non determinada.