IX fai acusaciones a Coxersa sobre la incineradora

La diputada d'IX-Verdes na Xunta Xeneral del Principáu, Emilia Vázquez, acusó esti martes al consorciu Coxersa d'apostar de manera irresponsable por "utilizar tola basura como combustible p'amortizar la planta".

Según esplicó Vázquez, Coxersa impón al contratista una producción básica deL 206 gigawatios hora al añu, una producción eléctrica obligatoria que significa "una hipoteca a la política de residuos nel futuru y obliga a quemar el 90% de los residuos domésticos p'amortizar la planta produciendo eletricidá".
  
Por él, a xuiciu d'IX-Verdes los responsables de Coxersa instaláronse "na irresponsabilidá", dao que pretenden dirixir la política de residuos de la comunidá autónoma al marxe de la Llei y decidiendo que vengan detrás pa los próximos 20 años, que se van a ver obligaos contractualmente a quemar los residuos incumpliendo la normativa europea y española.
  
"Ta claro qu'esa obligación de tener la instalación quemando a plena capacidá p'amortizar la planta pela vía de la venta d'eletricidá va totalmente en contra de les polítiques de reciclaxe, reutilización y reducción de los residuos. Abre la puerta a la incineración de residuos yá escoyíes y reciclables y hasta a la importación de basures como asocede n'Alemaña. Coxersa apuesta por utilizar tola basura como combustible", esplicó la diputada.
  
Licitación millonaria
De la mesma manera, Vázquez aseguró que la licitación anúnciase en 300 millones d'euros, a los que va haber qu'añadir nel futuru los dos partes que quitaron de la planta --escories y enfardáu-- que "sacaron del proyectu pa llendar el costu a 250 millones, a pidimientu del PP uvieín".