Rabat: 'Un Sáh.ara indendiente sería un feudu pa los terroristes'

El ministru de Comunicación y vocera del Gobiernu de Marruecos, Jalid Naciri, alvirtió a los "vecinos españoles" que la independencia del Sáh,ara Occidental diba suponer la creación d'una zona de tensión y un feudu pa "los terroristes" nel Magreb.

"El pueblu marroquín ye un pueblu apacible que nun tien nengún problema col pueblu español, nin cola opinión pública, nin colos partíos políticos nin cola prensa d'esi país", declaró'l ministru mientres una entrevista televisiva, citáu esti miércoles pola axencia estatal de noticies MAP.
  
Naciri alvirtió que "el futuru d'Europa y del espaciu mediterráneu" depende de la estabilidá nel Magreb y qu'esta estabilidá namás va ser posible "cola unidá territorial del Reinu de Marruecos", algo "que tendríen que saber los españoles".
  
Por ello, el voceru del Gobiernu preguntó cuál "ye'l propósitu de la hostilidá contra Marruecos" de la opinión pública española. "¿Lo mesmo quieren qu'haya un sestu Estáu nel Magreb protexíu por Arxelia, una zona de tensión y un feudu pa los terroristes?", prosiguió. "¿Ye ésti l'oxetivu de los amigos y vecinos españoles?", acabó.