La Organización Mundial Contra la Tortura (OMCT) reclamó a Marruecos que lleve a cabu una investigación "detallada y tresparente" sobre los "los graves fechos asocedíos nel campamentu Agdeim Izik y darréu na ciudá de L’Ayún".

El futuru del conflictu vascu sigue planteando munchos interrogantes y postures estremaes. Un exemplu ye’l empate nel Conceyu Abiertu d’ASTURIES.COM ente los que creen nun futuru pacíficu y siguir na situación d’anguaño.

Con un empate del 30% de les respuestes, los llectores d’esti mediu defendieron que’l conflictu vascu “va siguir per víes pacífiques, ensin ETA y cola izquierda abertzale llegalizada” y otru tantu argumentaron que “va siguir como hasta agora porque hai munches partes interesaes en que seya asina”.

El Bloque por Asturies desixó al Principáu que negocie con Microsoft la incorporación del asturianu a los sos productos. Dende esta multinacional, na que’l Principáu gasta millones, afirmaron públicamente la so voluntá na cuestión.

El periodista, ex director de la Fundación Príncipe d'Asturies y de la revista Asturias Semanal, Graciano García, nun fai pronósticu de si nun futuru va llegar a incluyise la llingua asturiana na ceremonia d'entrega de los Premios Príncipe.

El representante del Frente Polisariu n'España, Bucharaya Beyun, alvirtió esti vienres que si nun s'avanza na solución del conflictu, la organización va vese "obligada" a acudir a la guerra.

SOS Racisme denunció ante la Fiscalía d'Odiu y Discriminación al líder del grupu de Nuevas Generaciones del PP, José Antonio Coto, y al responsable de la empresa Nectaris Mobile, Ignacio Giner, pol videoxuegu 'Alícia Croft'.

El presidente de la Generalitat y candidatu a la reelección, José Montilla, alvirtió qu'o bien s'avanza hacia un modelu d'Estáu federal, o pel contrario va disparase'l númberu d'independentistes en Catalunya.

El presidente del Gobiernu asturianu, Vicente Álvarez Areces, anunció esti vienres que l'Executivu integráu por PSOE y IU, "ta a un tris" de zarrar un acuerdu sobre los presupuestos pal 2011 que van subir a 4.133,493 millones d'euros.

Pensionistes y Xubilaos de CC.OO y UXT y de la Federación d'Asociaciones de Mayores del Principáu d'Asturies (Fampa) acudieron esti xueves a la Xunta Xeneral pa espresar el rechazu a la conxelación de les pensiones contributives pal 2011 aprobada pol Gobiernu.