El sindicatu d’enseñanza SUATEA vien de denunciar el nuevu recorte de Zapatero a los trabayadores públicos. La desaparición de les clases pasives va facer que’l nuevu profesoráu s’integre na Seguridá Social, en cuenta d’en MUFACE.

La posibilidá de desaparición de la xubilación voluntaria a los 60 años, la reducción de salariu na nómina o l’abolición del patrimoniu de les mutualidades; son dalgunes de les consecuencies de la desaparición de les clases pasives, daqué que va treslladar al profesoráu funcionariu de MUFACE al réxime xeneral de la Seguridá Social.

La Embaxada en Madrid d'EEUU informó al Departamentu d'Estáu de que'l Gobiernu español "nun ponía reparos" a los vuelos secretos de la CIA, según s'entiende d'ún de los cables revelaos por 'Wikileaks'.

 y que relata la conversación caltenida pol ex embaxador estadounidense Eduardo Aguirre y la  vicepresidenta primeraMaría Teresa Fernández de la Vega.

El númberu de paraos rexistraos nes oficines del Inem n’Asturies al términu del mes de payares subió a 79.647, lo que supón un aumentu de 1.507 persones al respecto d'ochobre.

El tercer premiu d'ensayu en llingua asturiana 'Fierro Botas', que convoca la oficinal municipal de la llingua del Conceyu de Xixón quedó desiertu, según informó'l xuráu nuna nota prensa.

El Presupuestu de la Conseyería de Cultura del Principáu d’Asturies pal añu 2011 va suponer una baxada d’un 13’85% en rellación al añu anterior. Dientro d’él la partida pa política llingüística va reducise un 6’3%.

La conseyería va destinar 2.810.569 euros a la política llingüística, cifra que baxa dende los trés millones de les anteriores cuentes. Caltiénse sicasí la cuantía de 230.000 euros pa l'Academia de la Llingua Asturiana. Los Servicios de Normalización van tener un presupuestu total de 931.109 euros.

El voceru de medioambiente d’UNA, Tino Fernández, aplaudió esti xueves la sentencia de l'Audiencia Nacional qu'obliga a realizar la evaluación d'impactu ambiental pal proyectu de gaseoductu d'El Musel a Llanera.

La secretaria xeneral del PP, María Dolores de Cospedal, afirmó esti miércoles que na elección del candidatu del PP pa les elecciones a la presidencia d'Asturies tien prioridá'l proyectu políticu antes que les persones que la desarrollen.

La directora xeneral de Salú Pública y Participación, Amelia González, anunció esti miércoles qu'ente xineru y ochobre d'esti añu diagnosticóse n'Asturies 93 nuevos casos de VIH, qu'asitien el virus ocho puntos penriba de la media estatal.

Esti miércoles 1 d’avientu ye’l Día Mundial de Llucha contra’l Sida. Dende XEGA, colectivu asturianu de llesbianes, gais, tresexuales y bisexuales (LGTB), reclamen compromisu pa una educación afectivusexual “integral”.

Xente Gai Astur (XEGA) entiende que les instituciones públiques y la sociedá en xeneral tienen que comprometese nel accesu de la población a una educación afectivusexual integral.

Nuna rueda prensa ofrecida en Gaza, el líder de Hamás, Ismail Haniyeh, mostró un relaxamientu de la postura del grupu de prohibir la cesión de cualquier territoriu que perteneciera a la Palestina que tuvo ocupada’l Reinu Uníu hasta 1948.