El director xerente de Xestión d'Infraestructures Sanitaries del Principáu (Gispasa), Alfonso de Carlos, señaló que yá se ta trabayando nes licitaciones pa los contratos de caltenimientu del nuevu HUCA. La previsión, con sobrecostu, ye d’unos 23 millones d'euros añales.

La Fundación Belenos organiza’l XI Seminariu d’Estudios Asturianos. “Asturies un espaciu atlánticu: del castru a l’aldea” ye’l títulu y la temática d’estes nueves nueves xornaes que van celebrase’l 20 y 21 de payares.

L’arqueólogu Xurxo Ayán Vila, l’Etnógrafu Ástur Paredes y l’arquitectu Xuan Pedrayes Obaya van ser los encargaos de falar de la arquitectura tradicional asturiana nel XI Seminariu d’Estudios Asturianos.

La programación del ciclu de conciertos 'Música del Sieglu XX', entamáu por Caxastur, sigue n'Uviéu cola actuación del dúu de txalapartaris 'Oreka TX', que va ofrecer un espectáculu, mecigaya de música y imaxe.

La ministra d'Asuntos Esteriores y de Cooperación, Trinidad Jiménez, negóse una vez más a condenar l'actuación marroquí nel ataque al campamentu sah.arianu de L’Ayún. Argumentó qu’hasta nun disponer de “datos confirmaos” sería “especular”.

La Unión Europea quedó sin presupuestu pal 2011 dempués que la pasada madrugada fracasare l'últimu intentu negociador ente los Ventisiete y la Eurocámara.

El sindicatu de maquinistes y ayudantes ferroviarios de Renfe (Semaf) convocó fuelga los próximos xueves y vienres, díes 18 y 19 de payares, ente les 00.00 hores y les 24.00 hores, informó'l sindicatu.

La Coordinadora Ecoloxista d'Asturies denunció ante la Confederación Hidrográfica y ante el Principáu d'Asturies los "continuos vertíos illegales" que se vienen produciendo al ríu Xera na localidá de Pilotuertu nel conceyu de Tinéu.

L’Academia de la Llingua Asturiana vien de publicar un nuevu cartafueyu sobre la toponimia asturiana. Esti númberu 133 ta centráu na parroquia de Naves, nel conceyu d’Uviéu.

Mercedes Suárez Naves foi la encargada de recoyer, al traviés de la tradición oral, la toponimia d’esta parroquia uvieína. L’oxetivu d’estos cartafueyos – que col de Naves lleguen al númberu 133- ye asoleyar nel futuru una obra xeneral del dominiu llingüísticu asturianu qu’axunte datos toponímicos, históricos y antropológicos.

La Xunta de Portavoces del Parlamentu asturianu aprobó una declaración institucional impulsada por IX que conderga los actos de violencia del Gobiernu de Marruecos sobre la población sah.ariana.

La Comisión de Salú del Principáu d’Asturies rechazó por unanimidá la comparecencia del conseyeru de Salú. La petición foi del Bloque por Asturies pa que s’esclariaren asuntos sobre’l dispositivu de Rayos X de Llanes.

El pasáu 5 d’ochobre’l Bloque por Asturies, a propuesta de l’Asociación de Vecinos y Vecines de Celoriu “La Hoguera”, pidió la comparecencia del conseyeru de Salú, Ramón Quirós, pa que informara “con tolos detalles” de la situación y el non furrulamientu del dispositivu de Rayos X instaláu nel Centru de Salú de Llanes.