El galés yá ye llingua oficial en Galés. El parlamentu autonómicu del país británicu aprobó’l pasáu 7 d’avientu la cooficialidá de la so llingua autóctona xunto cola del inglés.

Anque yá había un usu ampliu del galés per parte de les alministraciones locales, dende’l pasáu 7 d’avientu tolos falantes d’esta llingua celta tienen garantizaos los sos derechos.

La Tertulia Pachís de Melás cumple dos años el próximu xueves 16. Pa celebralo, entamen una mesa redonda que va tratar sobre’l conflictu llaboral qu’existió va venti años na fábrica de camises IKE de Xixón.

“El d’IKE ye ún de los conflictos llaborales más importante de la ciudá de la nuestra hestoria recién, cola peculiaridá de ser un conflictu protagonizáu por muyeres”, comenten dende UNA-Xixón, formación responsable de la Tertulia Pachín de Melás.

L’Academia de la Llingua Asturiana ta acabantes de recibir una propuesta terminolóxica pa Conceptos Básicos de la Física. La propuesta ta enmarcada dientro del proyectu Terminoloxía Asturiana (Termast).

Son 400 los términos básicos nel ámbitu científicu de la Física que l’autor de la propuesta, Rubén Martínez Fernández, tresmitió a l’Academia de la Llingua Asturiana (ALLA) col oxetivu d’anovar el léxicu terminolóxicu asturianu. Esti autor yá asoleyara en Termast otru vocabulariu rellacionáu coles matemátiques.

CC.OO. y UXT enviaron una carta al Ministeriu de Trabayu na que soliciten una subida del salariu mínimu interprofesional (SMI) del 8% pal 2011, hasta los 684 euros brutos mensuales en 14 pagues.

La secretaria xeneral del PP, María Dolores de Cospedal, aseguró esti martes que pronto se conocerá'l nome del candidatu del PP por Asturies pa les elecciones autonómiques. Ello ye qu'almitió que "pue ser" antes del Nadal.

El voceru del Grupu Socialista nel Congresu, José Antonio Alonso, anunció que'l Gobiernu va pidir la prórroga del estáu d'alarma declaráu'l día 3 tres el zarru del espaciu aéreu pol plante de los controladores.

Cantares, villancicos, aguilandos, romances y otros sones rellacionaos cola navidá sintiéronse siempre na tradición musical asturiana. El MUJA va ufrir en directo una esbilla d’ellos esti fin de selmana.

Los músicos Pedro P. Sanjurjo, Laura Fernández y Dani García de la Cuesta van ser los encargaos d’interpretar en vivo les pieces. Panderos, gaites, vigulín, bandurria, gaita rabil… son dalgunos de los instrumentos que van poner son a estes composiciones tradicionales asturianes rellacionaes col nadal.

Dos de los premiaos d’esti añu colos Premios Lliterarios en Llingua Asturiana, Vicente García Oliva y Marta Mori, reclamaron na entrega de premios que la llingua se puea emplear en más ámbitos. Oliva fíxolo pidiendo directamente la oficialidá.

La Xunta pola Defensa la Llingua Asturiana ta acabante de dar anuncia de los ganadores de los Premios Andrés Solar na so XXVI edición. Camín de cantares y Herminio Sastre son les dos cares opuestres premiaes.

Bloque por Asturies criticó esti llunes que'l PSOE, PP y IX-Verdes "torguen que se debata" nel plenu de la Xunta Xeneral el proyectu de llei contra'l maltratu animal nos espectáculos públicos y actividaes recreatives.