Decenes de miles d'estudiantes manifestáronse en Londres en contra de los planes del Gobiernu británicu pa dexar que les universidaes encarezan a más de 10.700 euros la matrícula añal a partir del 2012.

Bual va enllenase de cultura esti fin de selmana col “III Outono Cultural”. Lliteratura, música en directo y una mesa de redonda al rodiu la recuperación y conservación del patrimoniu cultural, formen el programa.

La presentación del llibru “Trenta razóis pa nun medrar” de Miguel Rodríguez Moteavaro va dar empiezu, a les 12.30 hores, a esti “III Outono Cultural” organizáu pola Asociación Xuvenil Mezá y que se celebra na Casa da Cultura de Bual.

A la espera de la llegada del so próximu álbum d'estudiu, Limbo Starr saca al mercáu un box set nel que se recuperen los seis EP's publicaos hasta'l momentu por Nacho Vegas.

El próximu 13 d'avientu va facese la gala d'entrega de los premios lliterarios 2010 en llingua asturiana que convoca la Conseyería de Cultura y Turismu del Principáu d'Asturies.

Éstos son: el Premiu "Xuan María Acebal" de poesía (XVI edición), que ganó la profesora y escritora Marta Mori d'Arriba; el Premiu "Máximo Fuertes Acevedo" d'ensayu (XVI edición), que ganó l'escritor Vicente García Oliva; y el Premiu "María Josefa Canellada" de lliteratura infantil y xuvenil (III edición), que ganó la profesora y escritora Montserrat Garnacho Escayo.

El profesor de la Universidá d'Uviéu, filólogu y espertu en llingua asturiana y toponimia, Fernando Álvarez Balbuena, responsable del trabayu de campu sobre los topónimos del conceyu de Carreño, aseguró que Quimarán, ye'l d'usu habitual, "vivu y aceptáu" polos vecinos d'esta parroquia carreñense.

El Bloque por Asturies va presentar nel próximu conceyu de la Xunta de Portavoces la proposición de llei pa poner fin al maltratu animal n’Asturies. L’oxetivu ye incluyila nel Plenu de la Xunta Xeneral pal so debate.

Dende’l Bloque señalen qu’esta proposición yá pasó “tolos trámites parlamentarios favorablemente” y que’l Conseyu de Gobiernu “nun negó espresamente la so conformidá a la tramitación”.

El fundador de Wikileaks, Julian Assange, ta deteníu pola Policía británica en virtú de la euroorden d'arrestu emitida na so contra poles autoridaes de Suecia en relación colos cargos de supuestu abusu sexual y violación.

El pasáu 1 d’avientu salió a la cai “Tiempu de povisa”, el discu debú del grupu de rock n’ast Falanoncaduca. El portal Fnast.net ofrez en descarga dos de los trece cantares que formen esti trabayu asoleyáu por Algamar Producciones.

El grupu con componentes de L.lena, Uviéu y Xixón, Falanoncaduca, presenta en “Tiempu de povisa” la evolución de trés años de trabayu, un EP autoeditáu, numberosos, cambeos na formación y un soníu más curiáu y definíu. Esti primer discu confirma a Falanoncaduca como una de les moces bandes referenciales dientro del rock fecho na nuesa llingua.

La secretaria xeneral del PP y presidenta del PP en Castiella-La Mancha, María Dolores Cospedal, manifestó que queda "un tiempu bastante llargu" pa la presentación y proclamación de los candidatos del PP a les elecciones del 22 de mayu.