El Bloque por Asturies d’Uviéu criticó que la conceyala de cultura, Belén Fernández Acevedo, impusiera la emisión en castellanu del Concursu y muestra de Folclor Ciudá d’Uviéu, tres dos años emitiéndose n’asturianu.

Depués de más de dos años siendo de los programes más vistos de la TPA con más de 45.000 espectadores y un share de más del 10% nun horariu d’audiencia másima, la nueva conceyala de cultura d’Uviéu impuso que’l Concursu y Muestra de Folclor Ciudá d’Uviéu nun se pueda presentar n’asturianu.

Nel Conceyu Abiertu sobre’l resultáu de les elecciones en Cataluña un 47% de los votantes opinaron qu’éstes nun tienen nada que ver con Asturies, porque les coxuntures son estremaes.

“Ye positivo porque medra’l nacionalismu”, foi la segunda respuesta más votada, con un 23%; mientres que’l 22% de los participantes opinaron que les elecciones catalanes anticiparon los cambios políticos que se van dar nel restu del Estáu español.

Por último, un 8% votó pola opción de que la izquierda gubernamental defraudó a les sos bases.

El portavoz d’UNA, Faustino Zapico, consideró “inalmisible” que Migoya se niegue a cumplir les sentencies xudiciales qu’anularon el nomamientu “a deu” de 350 xefes de negociáu y pide por ello la dimisión de la conseyera.

L'Asamblea de Bolivia aprobó la reforma de les pensiones qu'amplía los beneficios y nacionaliza l'alministración del sistema, que taba en manes de dos fondos privaos pertenecientes al bancu BBVA y a la empresa suiza Zúrich.

El TSXA, a petición del Aconceyamientu de Xuristes pol Asturianu (AXA), baltió un alcuerdu del Conseyu de Gobiernu de la Universidá d’Uviéu que torgaba la presentación y recepción d’escritos n’asturianu nel so rexistru.

La sentencia del TSXA del pasáu 30 de payares anuló dellos párrafos de los artículos 2, 3 y 4 del Alcuerdu del Conseyu de Gobiernu de la Universidá d’Uviéu  nel que refugaben la presentación y recepción d’escritos n’asturianu na Universidá.

“El tercer home”, de Carol Reed y “Los viaxes de Gulliver”, de Dave Fleischer; van ser los nuevos llargometraxes doblaos en llingua asturiana. Gonzali Producciones, responsable del proyectu, anuncia que se van estrenar n’avientu.

Según anunció Gonzali Producciones en nota de prensa, los dos llargometraxes van estrenase na segunda metada d’avientu. Nel doblaxe van participar actores asturianos y, como yá se pasara con “La nueche de los muertos vivientes”, el proyectu nun recibe nenguna subvención.

SUATEA ganó’l pasáu vienres les elecciones sindicales na enseñanza pública asturiana. El sindicatu reafirmó la so "coherencia y compromisu" y dixo que “ye importante dar confianza a un sindicalismu de llucha y de resistencia”.

La Sala Civil y Penal del Tribunal Superior de Xusticia d'Asturies archivó esti vienres la querella criminal presentada por Pepe 'el Ferreiro' contra la conseyera de Cultura del Gobiernu asturianu, Mercedes Álvarez.

Dos exemplares d'osu pardu cantábricu nacieron tres el cruce, dientro del Parque Nacional de Picos d'Europa, d'una fema de la población oriental y un machu procedente de la occidental.

Llingua y arte vuelven a dase de la mano pa reivindicar la oficialidá del asturianu. La “Amuesa d’Obres pola Oficialidá” va aportar a Cangas de Narcea esti fin de selmana.

La “Amuesa d’Obres d’Arte pola Oficialidá” ye un acontecimientu que, al traviés d’arte y reivindicación llingüística, tien por oxetivu algamar fondos pa les campañes en defensa de la llingua asturiana y amosar el compromisu de los artistes asturianos pa col idioma’l país.