El Colectivu de Defensores de Derechos Humanos Sah.arianos (Codesa) denunció que 19 presos sah.arianos pendientes de xuiciu militar na prisión marroquina de Salé, sufrieron tortures y violaciones de Derechos Humanos.

El Maxistráu del Xulgáu Contencioso-Alministrativu Númberu 5 d'Uviéu, José Ramón Chaves, refugó'l pidimientu del ex conceyal del PP d'Uviéu, José Suárez Arias-Cachero de restitución de manera cautelar nel Grupu Municipal Popular.

Según los datos del últimu informe facilitáu pol Institutu Asturianu de Prevención de Riesgos Llaborales, los accidentes llaborales baxaron n'Asturies un 6,16% en términos xenerales hasta'l mes de payares del 2010.

El presidente del Gobiernu, José Luis Rodríguez Zapatero, alvirtió a ETA que'l comunicáu qu'emitió "nun val" y que'l Gobiernu nun va permitir "nengún engañu". Tamién avisó a Batasuna de que tien de separase d'ETA.

L’economista xixonés David M. Rivas vien de publicar “Incompetentes y autoritarios. La industria de Xixón dende l'autarquía al desmantelamientu", un ensayu sobre la evolución de la industria xixonesa ente 1940 y 1990.

La Coordinadora Ecoloxista d'Asturies presentó suxerencies al proyectu del Conceyu de Castropol de recalificar unos terrenos n’Anguiliero pa la instalación d'una nueva cantera nel Occidente.

“Permanente”, “xeneral” y “verificable”, son les trés característiques del últimu comunicáu d’ETA. Nél, la organización armada amuesa’l so “compromisu firme col final de la confrontación armada”.

Na mañana d’esti llunes 10, ETA publicó nel diariu Gara l’esperáu comunicáu nel que manifestaron la so decisión de declarar un “altu’l fueu permanente y de carácter xeneral, que pue ser verificáu pola Comunidá Internacional”.

El voceru del PSOE na Xunta Xeneral del Principáu, Fernando Lastra, manifestó que plantear un discursu políticu que recueya l’arguyu de ser asturianu ye de “estrema derecha”.

D’esti mou, el voceru socialista descalificó los recientes posicionamientos del ex ministru de Fomentu, Francisco Álvarez-Cascos, onde falaba de la importancia de “recuperar l’arguyu de ser asturianos”.

Duro Felguera axudicóse un contratu pal diseñu y suministru llave en mano d'una unidá de procesu de coquización tardía pa l'ampliación de la refinería de Novopolotsk, en Bielorrusia, por importe de 128 millones d'euros. 

El gaiteru carreñense Bras Rodrigo Álvarez Prieto, director de la Banda Gaites de Corvera, va ser el primer intérprete del Estáu d'esti instrumentu que va protagonizar el conciertu del Nomamientu del Gran Mariscal, en Nueva York.