Al mesmu tiempu que les negociaciones ente BA y UNA van dando pasos finales, ábrense puertes a l’ampliación d’esti proyectu plural d’izquierda asturianista. El secretariu d’organización d’UNA, Roberto Holgado, fala d’ello.

“Hai bon recorríu en cuantes al alcuerdu y posiblemente a primeros de febreru se puea presentar”, declara Holgado a ASTURIES.COM sobre’l procesu de creación d’una alternativa asturianista, ecoloxista y d’izquierda.

La Xunta pola Defensa de la Llingua Asturiana entama otru añu más un cursu d’asturianu n’Uviéu. Les clases van arrancar el próximu 27 de xineru nel Llar Solidariu d’Uviéu.

El cursu tien 60 hores de duración y, como afirmen dende la organización, nél “los y les alumnos y alumnes van poder deprender el bon usu del idioma tanto a nivel escritu como oral”.

L’horariu provisional va ser martes y xueves de 19:00 a 21:00 hores, los martes y xueves, con un preciu de matrícula completa de 30 €.

Los directores de los institutos de seguridá y salú llaborales d'Euskadi, Galicia, Asturies y Cantabria van aconceyar en San Sebastián p'avanzar nel desarrollu de midíes p’amenorgar la siniestralidá y pa la meyora de la salú nel sector pesqueru.

Bandurrieros y luthiers d’Asturies van celebrar un alcuentru en Xixón. El próximu 28 de xineru, estos músicos y fabricantes d’instrumentos van amosar el so trabayu al públicu y ufiertar un conciertu de bandurria.

El patiu del Antiguu Institutu de Xixón va ser el llugar d’alcuentru onde fabricantes de bandurries van enseñar el so trabayu artesanal y responder a les consultes sobre la fechura d’esti y otros instrumentos tradicionales.

El Ministeriu de Fomentu evitó dar plazu algún pa la conclusión de les obres de l'A-8 ente Unquera y Llanes, tramu qu'une Asturies con Cantabria, tanto pal tramu Pendueles-Llanes, como pal tramu Unquera-Pendueles.

El secretariu d'Organización del PSOE, Marcelino Iglesias, almitió que recortar les competencies de les comunidaes autónomes sería contradictorio al respecto de los nuevos estatutos que s'aprobaron nos últimos años.

El ministru de Presidencia, Ramón Jáuregui, señaló que les comunidaes autónomes "tienen que tener" los sos propios Defensores del Pueblu, pero cree que sí cabría "debatir si tienen que tener una televisión".

Axentes de la Policía Nacional y la Guardia Civil detuvieron esta madrugada a delles persones pola so supuesta vinculación con delles filaces del “entornu” d'ETA, informaron a Europa Press fontes de la llucha antiterrorista.

El ministru de Xusticia, Francisco Caamaño, defendió que'l "caltenimientu del espíritu" del Senáu como la Cámara de representación territorial ye "un valor superior" al costu de los servicios de traducción qu'entraron en funcionamientu.