Con retrasu sobre la primer fecha prevista, el procesu de construcción d’una alternativa asturianista y d’izquierda sigue en marcha. El portavoz del Bloque por Asturies, Rafael Palacios, comenta a ASTURIES.COM dalgunos aspectos.

“El proyectu ta a puntu de presentar el primer avance, col oxetivu de que s’incorporen persones, independientes y organizaciones”, comenta Palacios sobre los movimientos políticos qu’entamaron n’ochobre del 2010 y que tien como actores principales al Bloque por Asturies y a Unidá Nacionalista Asturiana (UNA).

El Bloque por Asturies criticó esti xueves la irresponsabilidá y "incompetencia" de los responsables de la Conseyería de Cultura del Principáu y solicitó que se caltenga n'Asturies la celebración del Derrame Rock.

Pa l'agrupación, el treslláu del festival de Pravia a Ourense ye "un despropósitu causáu por falta d'apoyos públicos per parte del Principáu a los del eventu". Amás destacó que’l festival ye positivu pa "la cultura, economía y turismu" d’Asturies.

El voceru de la izquierda abertzale Txelui Moreno manifestó que'l Gobiernu, "en privao", reconoz "el gran caláu y la importancia" del comunicáu d'ETA, mientres que, en público, "intenta tapecer la dimensión" de la declaración.

Los ex presidentes del Gobiernu José María Aznar y Felipe González perciben caún cerca de 80.000 euros brutos añales de los Presupuestos Xenerales del Estáu, una retribución con calter vitaliciu en razón del cargu desempeñáu.

CSI, SUATEA, CGT y CNT movilícense xuntos el próximu 25 de xineru en Xixón. Baxo’l llema “Sal a la cai enantes de que te dexen nella”, los sindicatos convocan una manifestación contra los recortes sociales.

La reforma les pensiones, la cancelación de l’ayuda a los paraos, la espulsión d’inmigrantes… son dalgunos de los fechos contra los que’l sindicalismu alternativu d’Asturies va manifestase’l martes 25 de xineru en Xixón.

La manifestación, destacada amás por axuntar a los cuatro sindicatos alternativos a CC.OO y UXT, va arrancar na Plaza l’Humedal a les 19.30.
 

L'ex vicepresiente del Gobiernu y ex ministru de Fomentu, Francisco Álvarez-Cascos, mostróse optimista no referente a la posibilidá d'impulsar un proyectu políticu n'Asturies de cara a les próximes elecciones autonómiques del 22 de mayu.

La revista Luengas & Fablas, del Consello d'a Fabla Aragonesa, reeditó les normes ortográfiques del aragonés aprobaes nel Congresu de la Llingua Aragonesa celebráu en 1987 na ciudá d'Huesca.

Ska y punk-rock internacional tornen a Asturies de la mano de Xunca Records. El sellu asturianu va llevar a Xixón per cuartu añu a los italianos Talco, acompañaos esta vez de los italo-catalanes La Mâquina.

El próximu vienres 8 d’abril na Sala Acapulco de Xixón va dase esta afayadiza cita pa los amantes del ska, rock y punk reivindicativu. Los venecianos Talco aporten como cabeza de cartel pa presentar el so últimu trabayu, “La cretina commedia”, un discu n’homenaxe a Peppino Impastato, activista italianu que dedicó la so vida a lluchar contra la mafia.

Primero, Llibrería Trabe d’Uviéu; agora, Alborá Llibros de Xixón. Dos destacaes llibreríes pal llibru asturianu y n’asturianu echaron el pieslle en feches cercanes. La crisis del sector editorial ye una de les causes.

Estos díes Alborá Llibros de Xixón ta preparando pa pesllar el so llocal asitiáu na céntrica Plaza Romualdo Álvarez González. Más de trenta años llevaba esta llibrería n’activo, propiedá a lo primero de Xicu Yepes y, dende 2007, de Distribuciones Cimadevilla.

El presidente del PP, Mariano Rajoy, aseguró que dientro del partíu tán "bien arguyosos" de la candidata p'Asturies, Isabel Pérez-Espinosa, cola que tán "absolutamente convencíos" de que van ganar nes próximes elecciones.