El Comité Electoral del PP escoyió a la conceyala uvieína Isabel Pérez-Espinosa como candidata, en cuenta del ex ministru Francisco Álvarez Cascos. Militantes pro-cascos como Arias-Cachero “Felechosa” yá amosaron el rechazu.

Al traviés d’una nota de prensa, el conceyal non adscritu del Conceyu d’Uviéu, José Suárez Arias-Cachero “Felechosa”, manifestó con contudencia que “Mariano Rajoy desprecia a Asturies” pola decisión de rechazar la candidatura del ex ministru de Fomentu, Francisco Álvarez Cascos.

El primer ministru rusu, Vladimir Putin, robló un plan pa la transición de les estructures de poder y los presupuestos federales de forma qu’en toa Rusia s’aprovechen les prestaciones del software llibre.

Según esi documentu, la introducción de GNU-Linux nel gobiernu va empezar nel segundu trimestre de 2012, y va significar el primer pasu d'una migración masiva de Linux y del software Open Source en tou tipu d'organismos públicos y de gobiernu.

Uiquipedia, la enciclopedia llibre en llingua asturiana, cumplió esta selmana los 14.000 artículos publicaos. De les ediciones en 278 llingües estremaes, Uiquipedia asítiase nel puestu 88 en cuantes a bayura de conteníos.

El proyectu Uiquipedia nació nel añu 2004 al rodiu del proyectu internacional de Wikipedia. Dende esa fecha, nun aparó de medrar y en seis años yá algamó 14.000 artículos publicaos.

Pesie a los avances, la enciclopedia llibre n’asturianu nun algama la cantidá d’artículos que tienen les versiones n’otres llingües cercanes como’l gallegu o l’aragonés.

El voceru del grupu Bloque por Asturies, Rafael Palacios, amosó esti xueves el prestu del so grupu ante'l "nuevu revés xudicial pal Executivu" y añedió que sirve pa "desmontar adulces les decisiones miserables" contra los derechos.

Rockmería, l’espaciu radiofónicu de la RPA dirixíu por Xune Elipe, emite esti xueves l’últimu programa del añu. Nél, los músicos Miguel Fernandi y Xicu Ariza faen un repasu de música y otres manifestaciones culturales mientres el 2010.

Los meyores discos del añu, lo más destacáu del folk y el rock o conciertos recomendables, son dalgunes de les coses sobre les que xirará la edición de Rockmería d’esti xueves 30 d’avientu.

La economía asturiana rexistró añalmente de media ente los años 2000 y 2009 la segunda menor crecedera del PIB de tou l’estáu, con una xubida del 2%, cerca de siete décimes menos que la medría en toa España.

El Conceyu Universitariu pol Asturianu (CUPA) algamó que’l Primer Concursu Lliterariu Universidá d’Uviéu almitiera obres n’asturianu, tres la modificación de les sos bases que namás permitíen testos en castellanu.

Tres el conocimientu de les bases que namás permitía obres en castellanu, el CUPA púnxose el contacto col Vicerrector d’Estensión Universitaria, Cultura y Deportes, Vicente Domínguez, que, según el colectivu, “recibió mui positivamente la propuesta de camudar esti puntu pa que se pudieren presentar obres tamién en llingua asturiana”.

El diputáu del Bloque por Asturies, Roberto Colunga, mandó cartes a dellos responsables institucionales denunciando que RENFE y FEVE nun respeten la toponimia oficial asturiana.

“Son yá años de magar se van aprobando los topónimos tradicionales como oficiales, pero les empreses FEVE  y RENFE siguen incumpliendo la llei y nun respeten los nomes oficiales”, denuncia’l Bloque por Asturies.

Unidá Nacionalista Asturiana (UNA) reclamó que COGERSA respete los trámites pa instalar la incineradora y con ello permita l’alderique que se negó pa decidir la so contrucción.

Tino Fernández como voceru de medioambiente d’UNA, reclamó que COGERSA respete los trámites ambientales pa la instalación de la incineradora en Serín, polo que tien d'esperar al perceptivu informe d'impactu ambiental pa decidir el so allugamientu definitivu. Amás, acusó a los sos responsables de resalvalos pa volver evitar l'alderique sobre la so construcción, como fixeron na so aprobación inicial.