El presidente y el primer ministru de Túnez, Fouad Mebazza y Mohamed Ghannouchi, abandonaron los sos cargos nel partíu gobernante, la Reagrupación Constitucional Democrática, según informó esti martes la televisión pública tunecina.

SUATEA denuncia otra vuelta la negación “sistemática” de la conseyería d’Educación a que l’alumnáu d’Educación Infantil puea recibir clases n’asturianu o gallego-asturiano. Por eso entamen una campaña d’unvíu d’instancies.

El sindicatu asturianu d’enseñanza denuncia que la conseyería d’Educación, al traviés del Serviu d’Inspección ta vulnerando l’artículu 10 de la llei d’usu y promoción. Sorrayen qu’estes instituciones tienen amás “conocimientu de causa” tres de la entrevista que representantes sindicales caltuvieron con ellos a finales del cursu pasáu.

El conceyal Non Adscritu nel Conceyu d'Uviéu y militante del PP, José Suárez Arias-Cachero, anunció esti llunes que va arrenunciar a la so acta de conceyal y va dase de baxa del partíu.

Ochenta artistes asturianos tán nominaos a los VI Premios Anuariu de la Música n'Asturies (AMAS). En total, van ser 20 categoríes, diez a tola trayectoria profesional y otros diez al trabayu realizáu mientres 2010.

El Secretariu d'Acción Sindical de CSIF, Juan A. Gavira, señaló esti martes que'l pasáu mes de payares contratáronse “a deu" al traviés de la empresa Serpa a ocho trabayadores sociales en dellos sitios d’Asturies.

El Bloque por Asturies amosó'l so rechazu a los despidos, na minería privada y na pública, de les subcontrates mineres. Dende BA señalen qu'esos despidos “son la punta de llanza del zarru de la minería asturiana".

La Coordinadora Ecoloxista presentó recursu de reposición contra l'autorización de la Dirección Xeneral de Mines d’autorizar l'ampliación de la cantera de Latores allugada na localidá de Cellagu  n'Uviéu.

Según informaron los ecoloxistes, la esplotación de caliza ocupa una superficie total de 273.710 metros cuadraos y la última ampliación que se-y concedió foi publicada nel  Boletín Oficial del Principáu d'Asturies en 1995.

UNA considera grave la sentencia del Tribunal Supremu que da la razón al dirixente de la CSI, Juan Manuel Martinez Morala, por ser incluyíu na llista de trabayadores prexubilaos pa que nun pudiere presentase a les eleiciones sindicales.

Pa UNA, el Principáu prevaricó cola única intención de facer desapaecer de l'actividá sindical en Naval Xixón a un trabayador "cafiante".

El Bloque Nacionalista Galego (BNG) rexistró nel Congresu una iniciativa pa retirar la pensión vitalicia a los ex presidentes del Gobiernu mientres cobren d'empreses privaes y pa endurecer el so réxime d'incompatibilidaes.

L'Índiz de Precios de Consumu (IPC) subió cuatro décimes n'Asturies el pasáu mes d'avientu, y la tasa interañal queda nel 3,2 por cientu, según datos publicaos pol Institutu Nacional d'Estadística (INE).