El 99% de los sursudaneses votaron a favor de la independencia nel referendu d'autodetermín celebráu a lo llargo de la pasada selmana, según los datos provisionales correspondientes al 80 por cientu de los votos emitíos.

Les mocedaes del PAS, Xuventú Asturianista, vienen de sorrayar el so apoyu a la Universidá d’Uviéu contra la celebración de la Semana Negra de Xixón nel recintu universitariu de Viesques.

Según les mocedaes asturianistes “nun ye de xacíu qu’un Conceyu tenga una confrontación d'esti tipu con una institución académica por testerones na defensa d'un supuestu certame lliterariu, que d'esto nun tien nada”.

El grupu de folk fusión La Col.lá Propinde cumple diez años enriba de los escenarios y celébralo con un conciertu esclusivu esti sábadu 22 de Xineru a partir de les 21.30 hores na Sala Acapulco de Xixón (Casino).

El grupu vien d'editar el so tercer trabayu, 'A teyavana' publicáu pola discográfica Algamar.
  
El conciertu va ser el puntu de partida de la xira especial '10 años de música dende L.lena', que va llevar al grupu a distintos escenarios de la xeografía estatal. El preciu de la entrada va ser de trés euros.
 

La dirección xeneral de Trabayu refugó l’ERE pal taller de Barros (Llangréu) de Duro Felguera. Los trabayadores, que taben zarraos en midida de protesta nes instalaciones, conocieron ellí la noticia y punxeron fin al enzarru.

Unión Asturianista, coalición formada por PAS y URAS, presentó esti xueves a Xuan Xosé Sánchez Vicente como candidatu. Tamién adelantó dalgunos aspectos d’un proyectu que, según esponen, “aspira a ganar les elecciones”.

El presidente del PAS y candidatu d’Unión Asturianista, Xuan Xosé Sanchez Vicente, el presidente d’URAS, Javier López Alfonso, y los secretarios de dambes organizaciones, Fernando Esposito y Xesús Cañedo, presentaron al candidatu nun actu esti xueves n’Uviéu.

El presidente d'Asturies, Vicente Álvarez Areces, destacó esti xueves que l'asturianu nun ye una llingua cooficial y poro nun-y correspuende que nel Senáu exista traducción de la mesma.

La intención d’asitiar la Semana Negra de Xixón nel Campus de Viesques ta xenerando problemes. La institución universitaria y estudiantes opónense, mientres que l’Ayuntamientu nun descarta la vía xudicial.

La Plataforma 'Pasemos a l'Acción', compuesta por partidarios del ex vicepresidente del Gobiernu Francisco Álvarez-Cascos, rexistraron un nuevu partíu, Foro Asturias, col que van acudir a les próximes elecciones n'Asturies.

El preciu del llitru de gasolina algamó los 1,285 euros, lo que supón una subida del 1,6% malpenes una selmana y un récor históricu, según datos recoyíos por Europa Press a partir del Boletín Petroleru de la Unión Europea (UE).

El presidente francés, Nicolas Sarkozy, anunció esti miércoles la so intención de convocar una xunta del G-20 pa tratar la protección de los derechos d'autor n'Internet.