El conceyal del PP de Xixón Manuel Pecharromán señaló que varies persones de l’Agrupación Socialista de Xixón calteníen vínculos coles empreses implicaes na trama de supuestes axudicaciones illegales.

La Xueza del Xulgáu d'Instrucción número 4 de Xixón dictó, atendiendo al pidimientu del Ministeriu Fiscal, una orde de prisión provisional, comunicada y ensin fianza pal ex conseyeru d'Educación y Ciencia, José Luis Iglesias Riopedre.

Les formaciones polítiques UNA, Bloque por Asturies y PP vienen de posicionase con preocupación sobre les irregularidaes d’axudicación que llevaron a la detención de cinco persones, ente elles l’ex conseyeru d’Educación.

Faustino Zapico, como voceru d'Unidá Nacionalista Asturiana, señaló que la detención de Riopedre ye la “conclusión lóxica” de la forma d'entender la política del gobiernu de PSOE ya IX, que, según argumentó “nunca supo dixebrar los intereses xenerales de los suyos propios y partidistas”.

El presidente de l'Academia de Cine, Álex de la Iglesia, anunció esti martes que va dimitir del so cargu dempués de la gala d'entrega de premios de los Goya d'esti añu. La causa ye’l so rechazu a la Llei Sinde.

CSI, SUATEA, CGT y CNT movilícense xuntos esti 25 de xineru en Xixón. Baxo’l llema “Sal a la cai enantes de que te dexen nella”, los sindicatos convocan una manifestación contra los recortes sociales.

La reforma les pensiones, la cancelación de l’ayuda a los paraos, la espulsión d’inmigrantes… son dalgunos de los fechos contra los que’l sindicalismu alternativu d’Asturies va manifestase’l martes 25 de xineru en Xixón.

La manifestación, destacada amás por axuntar a los cuatro sindicatos alternativos a CC.OO y UXT, va arrancar na Plaza l’Humedal a les 19.30.
 

El voceru de vivienda d’UNA, Daniel Fernández, indicó que tán cumpliéndose les previsiones de les consecuencies de les polítiques de vivienda n'Asturies: baxar la edificación y xubir los precios, en cuenta d’axustalos.

La Tarrancha vuelve a les andaes. La banda de ska-fusión vien d’abrir la contratación pa la primavera-branu y anunció que’l so próximu conciertu va ser el domingu 30 de xineru na gala “Xixón fala n’asturianu”.

Soníos xamaicanos, folkis, llatinos… son dalgunos de los estilos que percuerre’l “Mecigayu ska”, etiqueta cola que La Tarrancha define’l so eclécticu soníu. Un son personal que llantaron per abondos escenarios de dientro y fuera d’Asturies y rexistraron nel single “Exit-encia”, la maqueta “QLT?” y el discu “Ö-3-3”.

La presidenta de la Comunidá de Madrid, Esperanza Aguirre, aseguró que nun va facer campaña cola candidata del PP n’Asturies, Isabel Pérez Espinosa, porque sigue pensando que'l meyor candidatu pa ye l'ex ministru Álvarez Cascos.

El ministru de Trabayu y Inmigración, Valeriano Gómez, calcó en que la idea del Gobiernu ye ampliar a 67 años la edá llegal de xubilación y caltener la posibilidá de retirase a los 65 años pa carreres llargues de cotización.