Asturies foi la comunidá que tuvo un crecimientu menor de la tasa media del Productu Interior Brutu (PIB) ente los años 2000 y 2009 al rexistrar una xuba del 1,69 por cientu, según los datos daos a conocer güei pola Fundación de Caxes d’Aforros (Funcas). La media estatal ye del 2,21 por cientu.
 

El Sporting y l’Uviéu nun pudieron sacar un resultáu positivu nes sos visites a los campos del Athletic Club (3-0) y del Mirandés (2-0) esti fin de selmana. Mentes, el Caudal nun pasó del empate en casa col Zamora (0-0). El filial del Sporting foi l’únicu que dio una allegría al superar al potente Eibar (2-0) en Mareo.
 

Les dos formaciones tan acabante anunciar que van dir xuntos a les elecciones nuna plataforma que se presentará'l 12 de febreru. El candidatu polo cincunscripción central sedrá Rafa Palacios, del Bloque, y la númberu 2 Yolanda González, d'UNA

El Conseyu de Gobiernu autonómicu aprobó esti miércoles el decretu qu'establez a partir d'agora los topónimos tradicionales del conceyu de Ponga.

Gonzali Producciones va estrenar la versión de 'El tercer home' doblada en llingua asturiana'l viniente 5 de febreru, a partir de les 18.30 hores, nel salón d'actos del Centru de Cultura Antiguu Institutu de Xixón.

El presidente del Gobiernu, José Luis Rodríguez Zapatero y los máximos dirixentes de los sindicatos mayoritarios y los empresarios, firmaron nel Palaciu de la Moncloa l'acuerdu qu'inclúi, ente otres coses, la reforma del sistema de pensiones.

La primera edición del premiu “Amparo de derechos humanos y libertades” que convoca la Procuradora Xeneral, naz incumpliendo derechos llingüísticos. Asina lo denunció Aconceyamientu de Xuristes pol Asturianu (AXA).

Nun recursu unviáu a la Procuradora Xeneral –equivalente n’Asturies al Defensor del Pueblu-, AXA critica que les bases pa presentase al concursu sobre derechos humanos “Amparo de derechos humanos y libertades” esclúin doblemente a l’asturianu.

El conseyeru d'Educación, Herminio Sastre, destacó esti llunes la importancia de que se llevante'l secretu de Sumariu nel casu Riopedre, pa poder dar les esplicaciones oportunes.

La franquina Alba González ganó la XX edición del ‘Premio Xeira de Narracióis Curtias’ col rellatu “Hiperhidrosis”. El xuráu destacó tamién la obra “Lo das Bodegúas” de Marial Amor Pérez.

Alba González Fernández nació en 1985 en Valdepares (El Franco) y ye llicenciada en Belles Artes y profesora de dibuxu. L’autora yá ganara en 2002 el premiu col rellatu “Dos tempos, os miyores”.

L'ex presidente del Gobiernu español José María Aznar reclamó esti llunes una "fonda reforma" del modelu territorial porque, según él, “España nun puede competir fuera con CCAA que quieren ser mini-Estaos”.

Aznar, xustificó la so posición con trés razones: siguir cuntando n'Europa y nun quedar fuera de les grandes decisiones europees; asegurar la sociedá del bienestar; y facer dafechu vixente la Constitución de 1978.