El preciu de la gasolina bate'l so récor históricu

|

El preciu del llitru de gasolina algamó los 1,285 euros, lo que supón una subida del 1,6% malpenes una selmana y un récor históricu, según datos recoyíos por Europa Press a partir del Boletín Petroleru de la Unión Europea (UE).

El nivel d'esta selmana supera l'anterior máximu, de 1,276 euros el llitru, marcáu en xunetu del 2008, namás dos meses antes de la quiebra de Lehman Brothers y cuando los precios de los combustibles s'alcuentren en plena escalada, al abrigu del encarecimientu del petroleu, que marcó aquel branu'l so récor de 147 dólares el barril.
  
Nel casu del gasóil, el llitru superó esta selmana los 1,2 euros la primer vez dende'l segundu semestre del 2008 y quedó en 1,217 euros, tovía perbaxo del máximu históricu, de 1,329 euros el llitru.
  
Nesti momentu, el preciu del barril Brent de petroleu, de referencia n'Europa, cotiza a 96,20 dólares, mientres que'l barril de Texas cambió nel mercáu norteamericanu por 88,35 dólares.
 

Contador Estadistiques