Día del Llibru Asturianu

Sánchez-Vicente: “Nós namás tenemos idea de gobernar”

|

Unión Asturianista, coalición formada por PAS y URAS, presentó esti xueves a Xuan Xosé Sánchez Vicente como candidatu. Tamién adelantó dalgunos aspectos d’un proyectu que, según esponen, “aspira a ganar les elecciones”.

El presidente del PAS y candidatu d’Unión Asturianista, Xuan Xosé Sanchez Vicente, el presidente d’URAS, Javier López Alfonso, y los secretarios de dambes organizaciones, Fernando Esposito y Xesús Cañedo, presentaron al candidatu nun actu esti xueves n’Uviéu.

Sánchez Vicente, sorrayó la necesidá d’una fuerza “asturianista, asturiana y pa los asturianos” que rompa colos partíos de calter estatal centralizaos en Madrid. El dirixente asturianista señaló amás que la so formación aspira a ganar les elecciones y solucionar los problemes d’Asturies.

Programa
Nel actu, tamién fixo Sánchez Vicente dalgunes referencies al programa políticu de la formación. Rebaxar el númberu de conseyeríes y altos cargos y apoyar a los autónomos, son dalgunes de les propuestes d’Unión Asturianista.

El candidatu asturianista destacó tamién que la so coalición ye la cuarta fuerza política d’Asturies y criticó a los partíos mayoritarios que, según la so opinión, diben salir perxudicaos nestes elecciones porque los asturianos tán “desencantaos” con ellos.

“Idea de gobernar”
Per otru llau, Sánchez Vicente descartó la posibilidá de qu’Unión Asturianista pacte con Foro Asturias, el nuevu partíu que pue encabezar Francisco Álvarez-Cascos. “Nós namás tenemos idea de gobernar”, señaló nesti sen.

Sobre alcuerdos con otres fuerces asturianistes, el presidente del PAS dixo que la coalición taba abierta a tola xente que quiera sumase al so proyectu.
 

Comentarios

Deseovos suerte. Pero eso de que la coalición ta abierta a tol que quiera sumase suena a la mesma hestoria de siempre nel asturianismu. P'algamar daqué hai que tener voluntá de negociación ensin restriciones y dicir eso nun ye un bon entamu. Pero bono, depués d'años asina nun creo que pa esta sea la vencida, por gran desgracia pal nuesu país.
Anteponer nomes, persones, cares y sigles a la posibilidá de decidir el futuru d'Asturies ye ser igual que PP, PSOE, Cascos...
Lo que'l nacionalismu asturianu ta mancando al propiu nacionalismu asturianu nun ta escrito. 
Asturies, ¿qué te pasa?
 
 
 

«Faigo por vete, peles cais, nos lletreros... faen por borrate, de los mios güeyos y manes... pero nun son quien a ello»

Si desear lo meyor ....Almagar como nel pasau , esparder los votos equi i elli ,poro esin forza pa camudar nada....Si non dexen de pensar que ellos son los meyores, ñegadose a falar con otros, pol bien d'Asturies . La verda ye  p'almagar daque ...Falase col mesmu diañu, asina non hai alternativa..

Esti se droga.

Contador Estadistiques