Aguirre nun va facer campaña cola candidata del PP n'Asturies

La presidenta de la Comunidá de Madrid, Esperanza Aguirre, aseguró que nun va facer campaña cola candidata del PP n’Asturies, Isabel Pérez Espinosa, porque sigue pensando que'l meyor candidatu pa ye l'ex ministru Álvarez Cascos.

"Díxe-y a Isabel Pérez Espinosa que como nun cambié d'opinión sobre quién ye'l meyor candidatu (p'Asturies), nun pienso que la vaya a ayudar nesta ocasión", indicó en declaraciones a Punto Radio recoyíes por Europa Press.
  
Aguirre coincidió cola candidata asturiana na Convención que'l PP celebró esti fin de selmana en Sevilla y onde Pérez Espinosa aprovechó pa pidir a la dirixente madrilana que ficiere campaña con ella pa ayudar a ganar n'Asturies.
  
La presidenta madrilana esplicó que nun cambió d'opinión sobre Cascos, polo que caltién que "ye'l meyor candidatu que'l PP podría presentar n'Asturies" pa les elecciones de mayu. "Dao que tovía hasta'l 29 de marzu que se convoquen les elecciones hai tiempu pa igualo, pero tampoco toi d'acuerdu con algunes de les coses que fizo'l señor Álvarez Cascos", manifestó.