Les Mazcaraes de Valdesoto van contar cola participación de dos personaxes gallegos

Os Boteiros y el Folión van desfilar esti añu nes Mazcaraes d’Iviernu de Valdesoto. Estos personaxes gallegos participen nel ‘entroido’ –l’antroxu del país vecín– del pueblu ourensanu de Viana do Bolo.
 
Les actividaes d’esta edición de les Mazcares, organizaes pola Asociación de Recuperación de los Sidros y les Comedies 'El Cencerru', van principiar el vienres, a les 19.30 hores nel Centru Cultural de Lliceñes con delles charres y tertulies. El sábadu ye’l turnu del desfile de mázcares, nel que participen Los Sidros y Les Comedies de Valdesoto; Os Boteiros y el Folión, de Viana do Bolu; y dellos grupos asturianos. Ésti va comenzar a les 17 hores y va percorrer la ruta ente El Palacio y la Ilesia.
 
Mentes, Carbayín va sumase a esta celebración con un desfile pequeñu na mañana del domingu.