Alfredo González ta acabante d’asoleyar el so tercer trabayu d’estudiu, el segundu qu’incorpora la llingua asturiana. ‘Dobleces’ ye un discu doble con diez cantares n’asturianu escritos por Pablo Texón y otros diez propios en castellanu.
El presidente nuevu del Estáu, Mariano Rajoy, dio a conocer el nome de los ministros y ministres que van conformar el so Gabinete. En total reparte 13 carteres, el númberu más baxu en Democracia, y sitúa a Luis de Guindos al frente d’Economía.
Nel Plenu d’Investidura, Mariano Rajoy aseguró que diba acabar coles pontes festives. Un 49 por cientu de los llectores d’Asturies apuntaron en ‘Conceyu Abiertu’ que son contrarios a esta decisión anunciada pol presidente del Estáu.
El conceyal Rafael Felgueroso informó que’l xulgáu dio la razón a la Universidá d’Uviéu nel pleitu pola titularidá de la parcela onde se celebró la ‘Semana Negra’ esti añu. El rector, Vicente Gotor, manifestó la so satisfaición pola sentencia.
Una tesis doctoral sobre los escritores del Surdimientu, fecha por Xuan Santori y dirixida por Ramón d’Andrés, foi la primera fecha n’asturianu baxo’l Reglamentu d’Estudios de Doctoráu nuevu. El filólogu recibió sobresaliente cum laude.
Emilo Marcos Vallaure anunció que la XXXIII Selmana de les Lletres Asturianes va tar dedicada a la poesía y los poetes de la Ilustración. Foi na entrega de los Premios Lliterarios 2011 que tuvo llugar esti martes nel Palaciu d’Inclán Leiguarda d’Uviéu.
La esistencia de dos basureros illegales na redolada del Cabu Peñes esmolez a la Coordinadora Ecoloxista d’Asturies. El coleutivu denunció esta situación al Conceyu de Gozón, al que reclama la retirada inmediata de los residuos.
La marca coleutiva ‘Gochu Asturcelta’ presentóse esti llunes na Conseyería d’Agroganadería y Recursos Autóctonos. Cuatro carniceríes yá pueden comercializar esta marca de manera oficial tres roblar un alcuerdu cola asociación de criadores.
Mariano Rajoy, na so intervención nel Debate d’Investidura nel Congresu, señaló que va actualizar les pensiones, menguar les pontes festives y frenar l’usu abusivu del paru. Enrique Álvarez-Sostres ratificó’l so apoyu al llíder popular.
El sábadu tuvo llugar la presentación pública d’Iniciativa pol Asturianu, organización qu’espera trayer aires nuevos a la reivindicación llingüística. Ún de los oxetivos del coleutivu ye sumar “a munchos más asturianos al trabayu pol so idioma”.
