Ballesteros aconceya con Goñi pa tratar dellos asuntos sobre Nava

El presidente de la Xunta Xeneral, Fernando Goñi, recibió esti miércoles al alcalde de Nava, Emilio Ballesteros, pa tratar dellos asuntos sobre’l conceyu de Nava. L’asturianista tresmitió al popular el so enfotu por reducir deuda.
 
"Falamos de municipalismu, de la promoción turística en Nava y Mancomunidá de la Sidra, de la posible creación d’una axencia de llegalidá urbanística o de la situación económica del ayuntamientu", declaró Goñi tres l’aconceyamientu. Pela so parte, l’alcalde comentó que la "prioridá absoluta" de Nava ye reducir la deuda. Asina, señaló que les inversiones van ser "mínimes".
 
Otra manera, el cabezaleru d’Asturianistes por Nava (APN) –formación que gobierna col sofitu de FAC y PP– insistió en qu’una de les reivindicaciones de los ayuntamientos ye tener una financiación "estable", dalgo que solicitó al Executivu estatal y nacional, al que pidió "axilidá nes subvenciones".