Cúmplense 15 años de la espublización de Llibru Blancu, documentu de propuestes pa la recuperación y normalización del idioma. Por esti motivu, la XDLA cree necesario facer una revisión del mesmu, pa lo que pon en marcha unes xornaes.
La empresa d’orixe asturianu ALSA yá utiliza dalgunos topónimos bilingües na so páxina web, anque sigue ensin ufrir l’asturianu ente los idiomes a escoyer. Esti avance pequeñu llega tres una iniciativa del usuariu Vítor Suárez.
La Oficina de Normalización Llingüística del Conceyu Llaviana yá repartió los materiales de la campaña ‘Na igualdá nun quedes fuera xuegu’ ente los escolinos del conceyu. La xente interesao pue recoyelos nes biblioteques municipales.
Los once meses primeros del añu rexistraron un total de 1.641 incendios forestales n’Asturies que provocaron la quema de 12.111,54 hectárees. La superficie afectada ye mayor que la del añu pasáu pese a haber menos fuegos.
La Xunta pola Defensa de la Llingua Asturiana fixo entrega del pegollu de los XXVII Premios Andrés Solar a los responsables del vinu Ḷḷumés. El so voceru, Carlos Pulgar, señaló que “ye tiempu de cumplir la llei y facer pola normalidá del idioma”.
Cuatro llibros de narrativa y ún dedicáu a primeros llectores conformen les novedaes de Suburbia Ediciones pa estes feches navidiegues. D’esta forma, la editorial fina un añu 2011 cargáu d’espublizaciones.
La editorial asturiana Asturtoons pon en marcha pa los próximos díes 27 y 28 d'avientu "El taller de les Histories", actividá que va desarrollase na Casa la Cultura de L'Infiestu.
Francisco Álvarez-Cascos anunció un anteproyeutu de presupuestos con un techu de gastu de 4.208 millones. Pal añu qu'entra, Política Llingüística tien una partida prevista de 2.135.034 euros, 675.525 menos que nel 2011.
La conseyera de Fomentu, Isabel Marqués, va dirixise al Gobiernu estatal pa que nun cambien en xineru los Alvia que faen la llinia Asturies-Madrid. Aseguró, tres un pidimientu d’Aurelio Martín, que la sustitución supón un “perxuiciu”.
El conceyal de Cultura de Xixón, Carlos Rubiera, afirmó que’l Conseyu de la Mocedá tuvo un “ciertu privilexu” y alvirtió que nun pue pretender mantener “parafuncionarios”. La entidá va echar el pieslle’l día 1 de xineru polos recortes.
