Isabel Marqués va dirixise al Gobiernu estatal pa mantener l'Alvia de la llinia Asturies-Madrid

La conseyera de Fomentu, Isabel Marqués, va dirixise al Gobiernu estatal pa que nun cambien en xineru los Alvia que faen la llinia Asturies-Madrid. Aseguró, tres un pidimientu d’Aurelio Martín, que la sustitución supón un “perxuiciu”.
 
El diputáu d’Izquierda Xunida-Los Verdes d’Asturies (IX-LV), que llevó esti asuntu a la sesión plenaria, señaló qu’esta cuestión ye fundamental pa la competitividá d’Asturies y qu’ha de ser motivu de "preocupación y aición" del Gobiernu. Asina, reclamó al Executivu qu’instara a Renfe a mantener los Alvia-Talgo na llinia con Madrid y refugue los trenes CAF previstos.
 
Marqués reconoció que la llegada d’estos convóis constitúi un "pexuicio" pa los asturianos y una "merma importante" del serviciu. Según esplicó nel Plenu, les unidaes CAF tienen menos prestaciones, menos places y menos espaciu ente butaques, amás de tar peor preparaes p’afrontar les rampes de Payares, polo que pueden producise balanceos. Poro, la conseyera dixo que va dirixise al Gobiernu estatal nuevu pa reivindicar esta cuestión, amás de tolo vencayao cola alta velocidá “pa evitar l’aislamientu nel que s’alcuentra la rexón”.