Giles Paxman, embaxador del Reinu Xuníu nel Estáu, señaló esti martes que nel Parllamentu británicu nun esiste una mayoría favoratible a la independencia d’Alba. Ello significa qu’ésta pue refugase en Londres nel casu d’un sí.
La sociedá pública Recrea, encargada de la xestión de dellos equipamientos culturales del país, pon en marcha’l Club Cultura Principáu d’Asturies. La tarxeta ye de baldre y ufre descuentos pa les actividaes de la Llaboral y el CCI Avilés.
Rafael Palacios, candidatu del Bloque-UNA-LV-GV a les eleiciones del 25-M, encamentó a toles alministraciones a nun aplicar la reforma llaboral del PP. Conseña que garantizar l’emplegu públicu ye la meyor arma contra esta midida.
El primer congresu d’Iniciativa pol Asturianu, que tuvo llugar esti sábadu n’Uviéu, escoyó a Inaciu Galán como presidente de la organización. La xunta direutiva destaca pola mocedá de munchos de los sos integrantes.
El dirixente históricu de la Unión Sindical Obrera (USO), José Luis Iglesias Álvarez, morrió esti llunes en Xixón na sede del sindicatu a los 72 años d’edá. Anguaño yera’l responsable de les rellaciones institucionales d'USO.
El CD San Martín presentóse al so partíu correspondiente a la xornada 25 de preferente pese a la negativa inicial del so presidente, Jesús González Hevia. La mediación de la Federación y el Conceyu dan aire al club de Sotrondio.
Tudela Veguín va poder quemar más residuos especiales nos sos fornos d’Aboño tres la modificación de l’Autorización Ambientral Integrada aprobada por Mediu Ambiente. La Coordinadora llamenta que s’autorice esta resolución.
Asturiana Mining Company llevóse’l Premiu al Meyor Cantar col tema ‘Si nun conoces Vaḷḷouta’. D’esta forma, la banda lliderada por Michael Lee Wolfe va representar a Asturies nel Liet International 2012, que va celebrase en Xixón.
‘¡Echa la llingua a placer!’ foi’l mensaxe que convenció al xuráu del III Concursu Lliterariu ‘Demuestra’l to amor pola llingua’ de Xunta Moza. La noreñense Mónica Álvarez Viña ye l’autora de la frase ganadora d’esti añu.
Jesús Iglesias criticó los recortes al asturianu de FAC lo que, na so opinión, desmiente la vocación rexonalista d’esi partíu. Tamién señaló que’l PSOE denegó a IX Cultura porque “desconfiaben” d’ellos “nel ámbitu de la cultura asturiana”.
