Les 22 formaciones polítiques que van participar nes eleiciones anticipaes del 25 de marzu recibieron una carta d’Iniciativa pol Asturianu. Nella’l coleutivu pide l’usu del idioma na campaña eleutoral y ufre asesoramientu.
Avilés va acoyer finalmente’l conciertu conmemorativu del 25 aniversariu de Dixebra’l vienres 30 de marzu a les 22.30 hores. El sitiu escoyíu ye la histórica sala Quattro, mesmu llugar onde la banda avilesina presentó’l ‘¿Asturies o trabayes?’ nel 1993.
El Plenu estraordinariu convocáu en Siero pa votar la moción de censura al alcalde socialista Guillermo Martínez desendolcó nel nomamientu d’Eduardo Martínez Llosa como primer edil. FAC va gobernar en coalición con PVF y Conceyu.
Esti miércoles zarróse la revisión del Llibru Blancu nel so 15 aniversariu cola celebración de la cuarta mesa-taller d'estes xornaes. La XDLA nun descarta entamar alderiques nuevos nos meses próximos que toquen otros temes.
La Conseyería de Facienda y Seutor Públicu va poner en marcha a lo llargo del 2012 un Plan d’Auditoríes. L’oxetivu del Executivu ye entamar un control más rigurosu de l’Alministración y de los destinatarios de fondos del Gobiernu.
Esti xueves, a les 16 hores, va principiar n’Uviéu la Xunta d’Escritores Asturianos 2012, que va continuar el vienres y el llunes. Nesta ocasión, l’alcuentru cultural biañal tien pol lema ‘Lliteratura asturiana y oficialidá’.
Los díes 17, 18 y 19 de febreru, un cachín d’Asturies tuvo en Pleskob (Breizh) pa participar nel Roue Waroch, festival que dedicó esta edición al nuesu país. Clara Diez Márquez, de Menaxatruá, fixo una crónica del certame p’Asturies.com.
El presupuestu de l’Academia de la Llingua Asturiana (ALLA) va menguar de forma definitiva nun 40 por cientu al pasar de 230.000 euros a 167.900. Pa los llectores d’Asturies.com esta reducción ye “un insultu a la institución académica”.
El Plenu estraordinariu de Siero del 31 d’ochobre pasáu, onde se decidió nun siguir cola moción de censura contra l’alcalde, ha de repetise nun plazu de cinco díes. Esta sentencia xudicial podría permitir a FAC algamar el control del Conceyu.
Alfonso Alonso, voceru del PP nel Congresu, alvirtió que’l Gobiernu va tener qu’aplicar recortes ensin precedentes por mor del déficit. El balance contable de l’Alministración sitúalo nun 8,51 por cientu, lloñe del 6 alcordáu cola XE.
