Suburbia Ediciones y Publicaciones Ámbitu tán acabantes d’asoleyar delles espublizaciones. La editorial xixonesa presenta una escoyeta de testos del asturlleonés occidental y la uviedina dos obres de la so coleición de narrativa.
 

L’hasta agora presidente del país, Francisco Álvarez-Cascos, nun almite que naide discuta’l derechu d’Asturies a recibir los fondos mineros que-y correspuenden. Por ello, pidió a los asturianos que piensen nel “so país” a la hora de votar.
 

Foro Asturias mantuvo esti llunes en Xixón un grupu de trabayu con sectores del asturianismu pa informar de les llinies de la so política llingüística. La formación apuesta por una presencia tresversal del idioma en toles árees del Gobiernu.
 

El Teatru Xovellanos aprobó esti martes la convocatoria del Premiu a la Romería más Asturiana col oxetivu de promocionar les fiestes de prau en Xixón. Tamién va repartir ayudes por valor de 50.000 pa la organización d’estes folixes.
 

Rafael Palacios defendió en La Pola Siero una política de tresporte púublicu sostenible qu’ayude a xenerar emplegu nel país. El candidatu de Bloque-UNA-LV-GV Rafael Palacios tuvo nel Mercáu polesu repartiendo propaganda de la coalición.
 

Asturies.com pon a disposición de los sos llectores l’especial ‘Eleiciones 2012’. Nél van poder atopar tola información sobre la convocatoria eleutoral del 25 de marzu y l’axenda de los partíos políticos na campaña.
 

Asturies tuvo representación nel Cunceilho Anternacional ‘Las lhénguas nun statales i las nuobas tecnologies de l’anformaçon i de la quemunicaçon’ que se celebró n’Aveiro. Inaciu Galán faló sobre la situación del asturianu nes TIC.
 

Les persones que quieran votar per corréu nes eleiciones del 25 de marzu van poder facelo hasta’l día 22 pela tarde. La Xunta Eleutora Central decidió esti llunes allargar el plazu, que terminaba’l día 21.
 

Más de 65 chigres del centru y del oriente d’Asturies van participar nes II Xornaes de Sidra d’Escoyeta que van celebrase ente’l 19 y el 23 de marzu. Estes sidreríes van vender la primer sidra del añu xunto con una cazuelina por 3 euros.