L'escritor polesu Daniel García Granda, con cuatro poemarios espublizaos en castellanu, ta acabante d’asoleyar el so primer llibru n’asturianu: ‘Poemes del últimu salvaxe’. Esta obra va presentase’l xueves nel Auditoriu de La Pola Siero.
El mes de marzu tan negativu que vivió Asturies no que respeuta a los incendios forestales lleva a la Coordinadora Ecoloxista a esixir al Gobiernu’l cumplimientu de la normativa. Ésta obliga a acotar pal pastoréu los montes quemaos.
El SNL de la Mancomunidá de la Sidra entama pa esta primavera talleres de llectura n’asturianu en Nava y Villaviciosa cola fin d’averar la lliteratura asturiana a los ciudadanos. La inscripción pa esta actividá ye de baldre.
Fomentu destina’l 19 por cientu del presupuestu de carreteres pa pagar unos 600 millones d’euros de los 715,70 que debe por espropiaciones. Del pufu que tien n’Asturies dende primeros de sieglu va abonar un total de 48,25 millones.
Un delegación d’Iniciativa pol Asturianu desplazóse esti domingu a Estorga p’aconceyar con La Caleya, Furmientu y Faceira. L’oxetivu yera entamar calces de cooperación “pa trabayar pola llingua común”.
Tres meses de crecimientu constante, nel mes de marzu’l paru medró namái en 35 persones n’Asturies. La cifra total de desemplegaos algama agora la cifra de 99.388, un 13,28 por cientu más qu’hai un añu.
El Serviciu de Conservación de Carreteres d’Asturies utilizó yerbicida nun tramu de carretera de 500 metros con viviendes de Cuideiru. La Coordinadora Ecoloxista denunció esta práutica ante la viceconseyería de Recursos Autóctonos.
El Muséu del Pueblu d’Asturies va acoyer dende esti xueves el certame Primer Sidre l’Añu, que vive la so tercer edición. A lo llargo de cuatro díes, tolos visitantes van poder prebar la primer producción de la collecha 2011 de cerca de 80 llagares.
Les negociaciones ente’l PSOE y IX tres la celebración de les eleiciones tán siendo “esclusivamente” d’investidura. Ello significa que, de momento, la coalición refuga la posibilidá d’entrar nun posible Gobiernu socialista d’Asturies.
Una delegación de trece empreses asturianes participaron a finales de marzu nuna misión comercial en Marruecos entamada por Asturex. L’oxetivu de la visita ye consolidar les rellaciones esistentes y abrir mercáu nel país norafricanu.
