Rafael Palacios y Yolanda Huego criticaron la posición llingüística de los cuatro partíos parllamentarios: Foro, IX, PSOE y PP. “El votu a la nuesa coalición ye’l votu útil pa defender la oficialidá”, señalaron los candidatos de Bloque-UNA-LV-GV.
L’Ensame Xuvenil Trisquel torna a l’actividá y recupera'l Rebolleres Rock, festival que venía celebrándose en setiembre. L’eventu va tener llugar el 28 de xunetu nel prau Gervasia de Candás con Dixebra, Skama la Rede y Desakato.
‘Echái una mano al mundu’ ye’l nome de la campaña sobre'l reciclaxe qu’entama’l Conceyu de Samartín del Rei Aurelio. Van repartise bolses reutilizables ente la población y dípticos con conseyos pa curiar el mediu ambiente, ente otres aiciones.
El candidatu d’Izquieda Xunida a la presidencia del país, Jesús Iglesias, demandó midíes más contundentes pa combatir la corrupción. Tamién reivindicó’l cumplimientu de la memoria histórica y la retirada de símbolos franquistes.
A poco más de trés meses pal aniciu de la ‘Semana Negra’, el certame sigue ensin ubicación definitiva. La organización del festival da al Conceyu de Xixón hasta’l vienres pa que se pronuncie sobre’l so futuru.
Tres aconceyar con Foro de Ciudadanos, Iniciativa pol Asturianu continuó la so ronda de contautos con un alcuentru con Izquierda Xunida. El xueves, representantes del coleutivu van reunise col Bloque por Asturies-UNA-LV-GV.
Ún de los grupos más conocíos fuera de les nueses llendes, Stormy Mondays, ta acabante de colgar na rede’l so primer cantar n’asturianu. Trátase d’una añada cola que la banda contribúi a la normalización del idioma.
Iniciativa pol Asturianu señala, tres repasar tolos programes eleutorales de los partíos que se presenten al 25-M, que seis de los diez más votaos lleven la oficialidá nel so programa. UPyD ye l’únicu que se manifiesta contrariu dafechu.
El martes próximu, 27 de marzu, va principiar un cursu avanzáu d’asturianu entamáu pola Xunta pola Defensa de la Llingua Asturiana (XDLA). Ésti va celebrase n’Uviéu, nel llocal Conceyu Abiertu asitiáu en Gascona.
La coalición Bloque por Asturies-UNA-LV-GV pidió l’amparu de la Xunta Eleutoral ante la “discriminación” que sufre dende la RTPA. L’ente públicu nun entrevista a la formación pese a cumplir los requisitos qu’impón la direición d’informativos.
