El BOE d’esti martes espublizó’l Real Decretu-llei de reformes pa garantizar la sostenibilidá del Sistema Nacional de Salud aprobáu’l vienres. Les autonomíes van tener hasta’l 30 de xunu p’adaptasae al copagu farmacéuticu.
Android Market tien a disposición de los usuarios una versión nueva de l’aplicación ‘Diccionariu’ pa los móviles qu’usen esti sistema operativu, según anunció esti martes Softastur nel so blogue. Ésta trae delles meyores y ye de baldre.
La situación na que s’alcuentren dellos servicios de normalización llingüística ye motivu d’esmolecimientu pa Iniciativa pol Asturianu. Esti coleutivu demanda un compromisu políticu y económicu al Gobiernu y a los conceyos.
La economía estatal entró en recesión nesti 2012. Datos espublizaos pol Banco de España esti llunes estima que’l Productu Interior Brutu (PIB) del Estáu cayó nun 0,4 por cientu nel primer trimestre del añu.
Enrique Álvarez Sostres, diputáu de Foro de Ciudadanos nel Congresu, rexistró una proposición non de llei pal so debate na Comisión d’Educación. Pide al Gobiernu estatal una Llei d’Autoridá Pública del Profesor.
La Conseyería de Fomentu tramitó’l conteníu del estudiu d’impautu ambiental del proyeutu mineru en Tapia. La Coordinadora Ecoloxista d’Asturies llamenta otra vuelta les prieses del Executivu en funciones cola mina d’oru de Salave.
Con un 28,63 por cientu de los votos, el socialista François Hollande foi’l ganador de la primer vuelta de les presidenciales franceses. Sarkozy conformóse con un 27,1 por cientu y l’ultraderechista Frente Nacional pasa a ser la tercer fuercia.
El 28 d’abril va celebrase’l XXIV Conciertu pola Oficialidá, que se presentó esti vienres n’Uviéu con una representación de los músicos que van tomar parte nél. “Cuento con poder tocar con Dixebra nel Conciertu de la Oficialidá”, afirmó Xune.
La crisis nun da tregua a los medios de comunicación asturianos. Tres el pieslle de ‘Les Noticies’, el diariu ‘La Voz de Asturias’, con 89 años de vida, conviértese na víctima siguiente. El vienres nun var tar nos quioscos asturianos.
María Teresa Sánchez, xerente del Teatru Xovellanos, reconoció que Nacho Carballo ta alcontrando puertes zarraes a la hora de programar el FICXixón d’esti añu. Los cineastes anunciaron un boicó al certame tres la destitución de José Luis Cienfuegos.
