El segundu volume de ‘De les coses del mundu’, llibru que recopila artículos d’Ignaciu Llope sobre cuestiones polítiques y antropolóxiques, yá ta nes llibreríes. Nesta segunda parte, l’autor céntrase na lliteratura y na política.
La entidá de carauter científico-cultural Ateneo de Cultura y Lengua Guaraní amosó nuna comunicación oficial la so solidaridá col movimientu asturianu de reivindicación llingüística. El 90 por cientu de los paraguayos fala esti idioma.
Javier Fernández, candidatu ganador de les eleiciones, contautó esti llunes con Jesús Iglesias pa concertar una reunión pal miércoles pela mañana. Tres conocer el resultáu del votu emigrante va falar col restu de líderes.
El presidente d’Asturies en funciones, Francisco Álvarez-Cascos, afirmó que la derecha ta condenada a entendese, pero recordó al PP que “nun val l’astención”. Tamién apuntó que los resultados dan-y el “lideralgu” pal cambiu nel país.
Política Llingüística y los ayuntamientos d’Illas y Castrillón alcordaron entamar un serviciu de normalización llingüística mancomunáu. Ésti va principiar a furrular nel mes de xunu y va tener la so sede nel conceyu costeru.
Los asturianos vivieron esti domingu una xornada eleutoral marcada pola baxa participación y los resultaos malos algamaos pol asturianismu. Nel especial ‘Eleiciones 2012’ ufrimos tola información sobre esta cita coles urnes.
Esti domingu ye una xornada especial d’eleiciones n’Asturies. El país escueye a los sos representantes na Xunta Xeneral enantes de que fine la llexislatura per primera vegada na so historia y les encuestes nun dan un ganador claru.
El candidatu de Bloque por Asturies-UNA-LV-GV, Rafael Palacios, muéstrase optimista de cara a la cita coles urnes del domingu. Espera contar col apoyu ciudadanu pa “tener la fuercia pa condicionar la política del país”.
Efrén d’Andrés (Madrid, 1961) principia esti vienres a collaborar con Asturies.com. Profesor de FP y dibuxante aficionáu con una trayeutoria de 30 años, toles selmanes va espublizar una viñeta humorística na nuesa web.
