La editorial Corner, especializada en temática futbolística, ta acabante d’asoleyar la novela ‘La bufanda’, de David Artime, en castellanu. La historia orixinal, escrita en llingua asturiana, fala de la vida d’un ultra del Sporting.
Los aficionaos asturianos al cine yá pueden disfrutar en casa del doblaxe al asturianu de ‘La nueche de los muertos vivientes’. Gonzali Producciones ta acabante de poner a la venta un DVD especial de la película qu’inclúi dellos estres.
La Sociedad Cultural Gijonesa va acoyer esti llunes la presentación del númberu 10 de la revista lliteraria d’autores mozos Formientu. Ésti ye’l primer exemplar asoleyáu tres la renovación xeneracional entamada pola espublización.
La toponimia oficial en Ḷḷena, como n’otros conceyos del país, ye l’asturiana y dende l’Ayuntamientu quieren que la ciudadanía la utilice. Pa ello pon en marcha una campaña de promoción en collaboración cola Rede de SNL y la Conseyería de Cultura.
El barriu La Caleya acueye por novenu añu’l Mercáu Tradicional que celebra Ḷḷena dientro de les siempre esperaes fiestes de La Flor. El Tríu Santos, Varela y Caleya, Duerna, Spanta la Xente y Chus Pedro son les actuaciones d’esti añu.
La XDLA ta acabante de confirmar el cartelu definitivu del XXIV Conciertu pola Oficialidá, que repite en Xixón, anque esta vegada nel Parque Inglés. Siete grupos de dellos estilos van actuar el 28 d’abril na carpa instalada nel llugar.
La plantiya d’Enferbús, empresa de tresporte de pasaxeros que xune Uviéu con Mieres y Ḷḷena, va reclamar por vía xudicial los atrasos que sufre nos pagos. Conceyu Abiertu por Mieres solidarízase colos 31 trabayadores de la compañía.
IX y FSA-PSOE aconceyaron esti xueves pa “tomar una decisión” sobre l’apoyu posible de la coalición a la investidura de Javier Fernández. Dambes formaciones llegaron a un principiu d’alcuerdu na reunión.
El Tribunal Supremu dio la razón a Asturies na reclamación de 33 millones d’euros fecha nel 2004 al Estáu poles tresferencies de sanidá. A esta cantidá hai que sumar los intereses sumaos nestos ocho años.
La multinacional General Dynamics, propietaria de Santa Bárbara Sistemas, anunció la so intención de zarrar la fábrica de La Vega pa llevar la producción a Trubia. Bloque por Asturies-UNA desconfía d’esta operación de la empresa.
