El ministru del Interior, Jorge Fernández Díaz, anunció que la convocatoria d’actos violentos per Internet tendrá una pena mínima de dos años. D’esta forma, los fiscales podrán pidir prisión provisional a los acusaos.
La Comisión Direutiva de Foro de Ciudadanos decidió esti miércoles presentar un recursu al TSXA pola decisión de la Xunta Eleutoral de validar el votu emigrante del 25-M. Considera qu’hubo una irregularidá na recepción de sufraxos.
Un 79 por cientu de los usuarios d’Asturies.com señaló nel nuesu ‘Conceyu Abiertu’ que los resultaos eleutorales del 25-M son malos p’Asturies. Namái un 9 por cientu de los nuesos llectores considéralos positivos pal país.
Francisco Álvarez-Cascos, presidente d’Asturies en funciones, firmó esti martes el decretu pol que se convoca la sesión constitutiva de la Xunta Xeneral. Ésta va tener llugar el vienres 27 d’abril al meudía.
El Centru d’Arte y Creación Industrial ‘LABoral’, asitiáu na Universidá Llaboral, anunció que tolos xixoneses van tener accesu de baldre a les sos actividaes. Pa ello, namái han de tener la tarxeta ciudadana, tamién gratuita.
‘Documentos Orixinales de los Sieglos IX-X de los Archivos del Monesteriu de San Pelayo y de la Catedral d’Uviéu’ ye’l nome del númberu 9 de la serie Fontes, coeditáu pola ALLA y la Universidá. Ésti va presentase’l miércoles n’Uviéu.
Dende esti martes yá ta abiertu’l plazu pa solicitar y confirmar el borrador de la Renta 2011 per Internet pese a que la campaña entama de manera oficial el 3 de mayu. El 2 de xunetu ye la fecha última pa facer la declaración.
El PSOE mantién el diputáu ganáu pol occidente gracies al votu emigrante. La Xunta Eleutoral decidió refugar el recursu presentáu por Foro de Ciudadanos que pidía anular la totalidá de los votos del esterior por 332 sufraxos.
Mariano Rajoy caltuvo esti llunes delles reuniones colos sos ministros. El motivu d’estos aconceyamientos yera preparar el Programa de Estabilidad 2012-2015 y reformes en sanidá y educación p’aforrar 10.000 millones d’euros.
