Emilio Marcos Vallaure y Marcos Niño presentaron esti llunes el programa de Cultura y Deporte de Foro de Ciudadanos. La formación de Francisco Álvarez-Cascos apuesta por impulsar el conocimientu y espardimientu de la cultura asturiana.
 

Bloque por Asturies-UNA-LV-GV celebró esta fin de selmana l’actu central de campaña. Rafael Palacios pidió a los indecisos el so votu pa poder “condicionar” la política frente a les dos opciones mayoritaries: Foro-PP y PSOE-IX.
 

La banda de folk-electrónicu Xera yá ta trabayando na grabación del so tercer discu, ‘Llume’, que tará a disposición de los sos siguidores pal branu. Martin Russell, téunicu d’Afro Celt Sound System, encargaráse del master.
 

L’Asociación Cultural N’Ast protesta contra la desapaición del sofitu económicu que’l Conceyu de Xixón venía dando a la promoción editorial. Demanda que, al menos, se mantengan les ayudes a la edición en llingua asturiana.
 

Yolanda Huergo encargóse de presentar esti xueves ‘Piensa otra Asturies’, periódicu de campaña que Bloque-UNA-LV-GV va repartir nestes xornaes próximes. Nél, la coalición asturianista y verde defende la rexeneración de la política.
 

El cabezaleru de Foro de Ciudadanos y presidente en funciones del país, Francisco Álvarez-Cascos, aseguró en TVE que nun va colar d’Asturies si pierde les eleiciones. Señaló que’l so oxetivu ye ganar y meyorar los resultaos.
 

Vicente Gotor consiguió, con un 66,52 por cientu de los votos, ganar les eleiciones a rector de la Universidá d’Uviéu. Derrotó a Paz Andrés, al igual que nel 2008, anque con un porcentaxe de votos trés puntos mayor.
 

Los díes 22 y 23 de marzu, Uviéu va acoyer un Simposiu Internacional sobre Variación Sintáctica Dialéctal entamáu pol Seminariu de Filoloxía Asturiana de la Universidá. L’eventu coincide cola reunión añal de la rede d’investigación Wedisyn.
 

Emilio Marcos Vallaure y Alfredo Ignacio Álvarez Menéndez, responsables de Política Llingüística de Foro, aconceyaron con Iniciativa pol Asturianu con motivu del 25-M. El coleutivu demandó l’usu del idioma nes intervenciones públiques.
 

Un 68 por cientu de los llectores d’Asturies.com consideren inviable nel Estáu una consulta como la prevista nun futuru próximo n’Alba. El ministru d’Asuntos Esteriores español confirmó hai poco en Londres esta posición.