La Vuelta a Asturies, que va celebrase del 27 al 29 d’abril con namái trés etapes, incluyía la Xuba al Naranco, nun respeta la toponimia oficial. Dende Iniciativa pol Asturianu reclamen el cumplimientu de la normativa.
“Yo creo que va haber un alcuerdu porque a naide interésa-y inestabilidá y repetición d'eleiciones”, afirmó en Madrid Rosa Díez. La llíder d’UPyD nun aclarió a cuál de los dos bloque va apoyar el diputáu que sacó la so formación n’Asturies.
La ministra Ana Mato va proponer esti miércoles a los conseyeros de Sanidá que los pensionistes paguen un 10 por cientu de les melecines. Les persones actives abonaríen el 50 por cientu en cuenta del 40 por cientu actual.
La web Educastur colgó na rede’l material que los escolinos de Secundaria van trabayar ente’l 30 d’abril y el 4 de mayu pa la XXXIII Selmana de les Lletres. Efrén d’Andrés encargóse de los dibuxos y Marta López Fernández, de los testos.
Los responsables del Muséu del Calamar Xigante, de Ḷḷuarca, alertaron esti martes d’una catástrofe ecolóxica que ta viviendo l’occidente del país. Dellos puntos de la costa tán rexistrando una muerte importante de xibies.
La compañía irlandesa de baxu coste Ryanair va volar esti branu a Gran Canaria y Tenerife Sur dende Asturies. D’esta forma, suma estos dos destinos a los yá esistentes de Barcelona y Madrid, qu’opera dende’l día 3 d’esti mes.
Mercedes Fernández confirmó esti martes que la so formación y Foro de Ciudadanos alcordaron votar xuntos na sesión d’investidura, pero nun adelantó quién diba a presentase a la presidencia del país. “Eso queda abierto”, dixo.
La formación Conceyu Abiertu por Noreña amuesa’l so malestar pola actitú del gobiernu municipal del PSOE na ellaboración de los presupuestos. Critica que nun se permita a los ediles de la oposición facer una copia del borrador.
Monarquía o República. Izquierda Xunida (IX) reclama la celebración d’un referéndum tres los acontecimientos que ta protagonizando la Casa Real. L’últimu ye’l viaxe del rei Juan Carlos I a Botsuana a cazar elefantes en plena crisis.
