Dos selmanes depués de que s'abriera'l procesu, más de cien independientes apuntáronse nel censu abiertu polos promotores de Compromisu pa participar nel Conceyu Fundacional del 23 de xunu. El día 10 fina'l plazu d'inscripción.
Javier Fernández comprometióse a protexer l’asturianu, anque refugó la cooficialidá del idioma. El canditatu únicu a presidir el país fixo esta declaración d’intenciones na segunda sesión del Plenu d’Investidura en respuesta a Jesús Iglesias.
Iniciativa pol Asturianu ta acabante d’anunciar l’alcuerdu col que llegó con Splitweet pa qu’incorpore la llingua asturiana al so serviciu. Splitweet ye un xestor de cuentes de Twitter afayadizu pa usuarios con dellos perfiles na rede social.
El paru convocáu esti martes en toles etapes de la enseñanza pública, dende Infantil a la universidá, tuvo un siguimientu superior al 80 por cientu n’Asturies, según los sindicatos. El Gobiernu estatal sitúa’l paru nun 40 por cientu.
Esti martes ye día de fuelga na enseñanza pública. Toles etapes educatives, per primer vegada en Democracia, faen un parón xunitariu a nivel estatal pa protestar polos recortes que’l Gobiernu de Mariano Rajoy entama nel sector.
El candidatu únicu a presidir Asturies, el socialista Javier Fernández, aseguró nel so discursu de la primer sesión del Plenu d’Investidura que va oponese a los zarros na minería, el sector metalúrxicu y el naval. IX va negociar entrar nel Gobiernu.
Los dirixentes estatales de les federaciones de minería d'UXT y CO OO decidieron esti llunes n’Uviéu convocar cuatro díes de fuelga polos recortes previstos. El sector del carbón va parar el miércoles y el xueves, y el 30 y el 31 d’esti mes.
Esti llunes, a les 10 hores, finó’l plazu pa presentar candidatures pa presidir el país. El socialista Javier Fernández ye la persona única qu’aspira al cargu, yá que nin Foro de Ciudadanos nin Partido Popular inscribieron a los sos líderes.
El coleutivu de ciudadanos contrarios al entamu d’un mina d’oru en Tapia, la Plataforma ‘Oro No’, recuerda al Gobiernu nuevu la so promesa eleutoral de refugar el proyeutu. Reclama que presente alegaciones al estudiu ambiental.
Cangas del Narcea va acoyer, del 30 de xunetu al 10 d’agostu, una edición nueva de la Universidá Asturiana de Branu (UABRA). El plazu de matrícula pa los cursos qu’entama l’ALLA abre’l llunes y termina’l vienres 1 de xunu.
