Los siguidores de La Tarrancha yá pueden sentir na rede ‘Somos’, el primer cenciellu del que va ser el segundu llarga duración de la banda fusión: ‘Mezigayuska’. Esti tema soprende pol so toque punk-folk y la carga de rabia que presenta.
 

Esti vienres, a les 17 hores, l’escritor Xabiero Cayarga (Cangues d’Onís, 1967) va recibir el premiu de la Tertulia Malory al meyor llibru n’asturianu del 2011. La obra que-y dio esta primera edición del gallardón foi ‘La ñeve del cuquiellu’.
 

Nueve grupos ambientales y animalistes presentaron un recursu d’apelación no gubernativu contra la resolución que permite’l control poblacional de llobos nos Picos d’Europa. Yá se mataron dos exemplares de los seis previstos.
 

Nel mes de xunu finó tres una enfermedá la escritora en llingua asturiana y castellana, Aurora Sánchez Fernández. La maliaya Fundación José Cardín Fernández quier recordala con un recital poéticu a cargu del so maríu, Xosé Lluis Campal.
 

Si Mariano Rajoy nun da marcha atrás colos recortes, habrá una fuelga xeneral enantes de que fine esti añu. Justo Rodríguez Braga y Antonio Pino, secretarios xenerales d’UXT y CC OO n’Asturies, de forma respeutiva, ven probable otru paru.
 

Dende esti miércoles y hasta’l 2 de setiembre, el Teatru Prendes va acoyer el XXII Salón de Teatru Costumista de Candás. ‘Muyerines’, de Santa Bárbara Teatro, va abrir esti ciclu compuestu por 12 obres d’otres tantes compañíes asturianes.
 

La Coordinadora Ecoloxista d’Asturies considera “mui peligrosos” los proyeutos d’almacenamientu xeolóxicu de dióxidu de carbonu. Hunosa ta acabante de presentar cuatro a facer nel territoriu asturianu, dos d’ellos en parte submarinos.
 

Esti sábadu cúmplense 75 años de la declaración de soberanía del Conseyu d’Asturies y Lleón. Por esti motivu, Andecha Astur entama un actu homenaxe nel monolitu asitiáu pola organización en Tarna en recuerdu a esta institución.
 

De 399 a 450 euros. El Ministeriu de Presidencia y el Ministeriu d'Emplegu y Seguridá Social anunciaron un aumentu de 51 euros na ayuda que reciben aquellos paraos qu’escosaren les sos prestaciones y tengan una carga familiar importante.

L’Hospital Universitariu Central d’Asturies sufrió un apagón a les 6.30 hores qu’obligó a suspender delles intervenciones quirúrxiques. L’avería afeutó a les llinies d’alta tensión soterrañes del centru y nun s’iguó hasta 13 hores depués.