Asturies.com púnxose en contautu con diez músicos del país pa que compartieren colos nuesos usuarios un cantar que-yos preste sentir enforma nuna xornada tán especial como’l Día de la Nación Asturiana. Ésti ye’l resultáu.
Casi la metá de los usuarios d’Asturies.com considera que nun hai nada que celebrar nel Día de la Nación Asturiana. La situación que vive’l país lleva a una bona parte de los nuesos llectores a desencantase énte esta xornada.
Carlos Rubiera y Xosé Nel Riesgo participaron, xunto con Humberto Gonzali, na presentación oficial de la sétima edición de la Vagamar. Ésta va principiar el llunes cola arribada de congresistes y va allargase hasta’l sábadu.
El Sespa y los sindicatos sanitarios aconceyaron esti xueves, ensin avances. Los representantes de CC OO, UXT, SATSE, Usae y Sicepa/Usipa acusen a la xerencia del serviciu de salú del país de nun presentar propuestes.
La direición d’Arcelor-Mittal España aconceyó esti miércoles en Madrid colos sindicatos. La empresa plantegó una mengua del 25 por cientu nos costes salariales y amenazó con nun arrancar el fornu en reparación en Xixón si nun hai alcuerdu.
El Llagar del Restaurante Casona El Carmen, en Perlora, ye’l sitiu escoyíu por Compromisu por Asturies pa celebrar el Día de la Nación Asturiana. Un actu políticu va abrir la xornada, pa continuar depués con una espicha.
Los representantes de los sindicatos que mantienen el zarru na sede del Sespa afirmaron que la fuelga “ta cada día más cerca”. Acusaron al conseyeru de Sanidá, Faustino Blanco, de “tracamundiar” y “de rise de los trabayadores”.
Alberto Contador atacó otra vuelta a Joaquim ‘Purito’ Rodríguez nes rampes del puertu Payares y del Cuitunigru, onde ganó l’italianu Cataldo. El catalán aguantó de forma espectuacular y inclusive aumenta la ventaya col de Pinto en seis segundos.
Asturies finó agostu con 801 paraos más qu’en xunetu, lo que supón una medra del 0,86 por cientu. Los datos son más preocupantes si se comparen colos d’hai un añu: el país cuenta con 14.570 desemplegaos más (una xuba del 18,36).
